LOUKAS 13:14 - Khasi CL Bible (BSI)

¹⁴ U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

KA BAIBL

¹⁴ Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”

LOUKAS 13:14 ပူးပေါင်းရင်းမြစ်များ

EKSODOS 20:9

Phi don hynriew sngi ban trei bad ban leh ïa ki kam jong phi,

EKSODOS 23:12

“Trei hynriew sngi shi taïew, hynrei wat trei ha ka sngi kaba hynñiew, khnang ba ki mraw jong phi bad ki nongwei kiba trei bad phi, bad wat ki jingri jong phi hi, kin ïoh shongthait.

ESEKIEL 20:12

Nga la pynlong ïa ka jingsumar ïa ka Sabbaton ka dak jong ka jingïateh kular hapdeng jong ngi, ban pynkynmaw ïa ki ba ma nga, U Trai, nga pynlong ïa ki, kiba khuid.

ESEKIEL 34:21

Phi kyndat sharud ïa kiba pang bad phi ñiat ïa ki shabar na ka kynhun.

LEBITIKOS 23:3

Phi ïoh hynriew sngi ban trei ïa la ka kam, hynrei kynmaw ba ka sngi kaba hynñiew, ka Sabbaton, ka dei ka sngi shongthait. Ha kata ka sngi, wat trei ei ei. Ka Sabbaton ka long ka jong U Trai, ha ki ïing jong phi baroh.

MATHAÏOS 12:2

Haba ki Pharisi ki la ïohi ïa kane, ki la ong ha U Jisu, “Ha khmih, ka long pyrshah ïa Ka Aiñ jong ngi na ka bynta ki synran jong me ban leh ïa kane ha ka sngi Sabbaton.”

MARKOS 5:22

U Jairos, u rangbah synshar ka synagog hangta, u la wan poi, bad haba u la ïohi ïa U Jisu, u la dem ha ki kjat jong u,

LOUKAS 6:11

La pyndap ïa ki da ka jingbitar shla bad ki la sdang ban ïaphylliew jingmut para ma ki ïa kaei ba ki lah ban leh ïa U Jisu.

LOUKAS 6:7

Katto katne ngut ki nonghikai ka Hukum bad katto katne ngut ki Pharisi ki la kwah daw ban mudui ïa U Jisu ba u leh bakla, kumta ki la ïakhmih bniah ïa u ban ïohi lada un pynkhiah ha ka sngi Sabbaton.

LOUKAS 8:41

Te u briew uba kyrteng u Jairos u la wan poi; u la long u rangbah synshar ha ka synagog kaba ha kata ka shnong. U la dem khrup ha ki kjat jong U Jisu bad u la kyrpad ïa u ban leit sha ïing jong u,

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

KI KAM 18:17

Ki baroh ki la kem ïa u Sosthenes, uta u nongïalam jong ka synagog, bad ki la shoh ïa u ha khmat jong ka ïingbishar. Hynrei kata kam shym pynsalia wat khyndiat ruh ïa u Gallio.

KI KAM 18:8

U Krispos, uba long u nongïalam jong ka synagog, u la ngeit ha U Trai, lem bad ka longïing jong u baroh; bad kiba bun kiwei pat ki briew ha Korinth ki la ïohsngew ïa ka khubor, ki la ngeit, bad la pynbaptis ïa ki.

Ka Shithi U Paul Sha Ki Nong Rom 10:2

Nga lah ban ong skhem ïa phi ba ki long kiba ieit ïa U Blei naduh ka dohnud; hynrei ïa ka jingieit jong ki ïa U Blei, ym shym la pynshong nongrim ha ka jingtip bashisha.

DEUTERONOMI 5:13

Hynriew sngi phin trei bad phin leh ïa ka kam jong phi baroh,