LOUKAS 12:8 - Khasi CL Bible (BSI)

⁸ “Nga pynthikna ïa phi ba uno uno uba pynbna ha kaba paw ba u long u jong nga, U Khun U Briew un leh kumjuh ïa u ha khmat ki angel jong U Blei.

KA BAIBL

⁸ Nga ong ruh ha phi, “Uno uno baroh u ban phla ïa nga ha khmat ki briew, te ïa uta, U Khun u briew ruh un phla ha khmat ki angel U Blei.

LOUKAS 12:8 ပူးပေါင်းရင်းမြစ်များ

SALM 119:46

Ngan pynbna ïa ki hukum jong me ha ki syiem, bad ngan ym shah pynlehrain.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

1 ÏOANNIS 2:23

Naba uno uno uba kyntait ïa U Khun u kyntait ruh ïa U Kpa; uno uno uba pdiang ïa U Khun u don ïa U Kpa ruh.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.