LOUKAS 12:5 - Khasi CL Bible (BSI)

⁵ Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

KA BAIBL

⁵ Hynrei, ngan maham ïa phi ïano phin sheptieng: To sheptieng ïa uta uba hadien kaba u la pynïap, u don bor ban bred sha dujok; shisha nga ong ha phi: To sheptieng keiñ ïa uta.

LOUKAS 12:5 ပူးပေါင်းရင်းမြစ်များ

SALM 9:17

Ka jingïap ka dei ka jingkut jong ki bymman baroh, jong kito baroh kiba kyntait ïa U Blei.

PROBERB 14:26

Ka jingtiengburom ïa U Trai ka wanrah ïa ka jingsngewskhem bad ka jingshngain ïa u briew bad ïa ka longïing jong u.

JEREMAÏAH 10:7

Uei u ban ym pyndonburom ïa me, u syiem jong ki jaitbynriew baroh? Me dei hok ban ïoh ka pyndonburom. Ym don mano mano uba kum ma me hapdeng ki riewstad baroh jong ki jaitbynriew lane napdeng uno uno u syiem jong ki.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MARKOS 13:23

Sumar bha ïa lade! Nga la ïathuh ïa kiei kiei baroh ha phi shuwa ba ka por kan poi.”

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!

2 PETROS 2:4

U Blei um shym la shah jem ïa ki angel kiba la leh pop, hynrei u la bret ïa ki sha dujok, ha kaba la khum kynjri ïa ki ha ka jingdum, da kaba ap ïa ka Sngi ka Jingbishar.

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 20:14

Nangta ïa ka jingïap bad ïa ka Hades la bret ha ka pung ka ding. (Kane ka pung ka ding ka long ka jingïap kaba ar.)