LOUKAS 12:48 - Khasi CL Bible (BSI)

⁴⁸ Hynrei u shakri u bymtip aïu u kynrad jong u, u kwah; bad pynban, u leh ïa kaei re kaei ïa kaba u dei hok ban ïoh ka jingsympat, un shah pynshitom da ka jingsympat kaba sting. Shibun la dawa na u briew ha uba la ai kham bun; kham bun shuh shuh la dawa na u briew ha uba la ai kham bun shuh shuh.

KA BAIBL

⁴⁸ Hynrei, uta u bym shym tip, bad uba la leh ïa kaba dei ban ïoh sympat da ki thri, yn sympat ïa u khyndiat thri. Naba ha uno uno ha uba la ai shibun, na uta yn pan shibun; bad ha uba ki la aiti shibun, na uta kin pan kaba kham bun keiñ.

LOUKAS 12:48 ပူးပေါင်းရင်းမြစ်များ

LEBITIKOS 5:17

Lada uno uno u leh pop khlem tip da kaba u pynkheiñ ïa kano kano ka hukum U Trai, u long uba la rem bad u dei ban ïoh ïa ka bainong.

JINGKHEIÑ 15:27

“Lada mano mano na phi, phi leh pop khlem da mut khnang, phi dei ban wanrah kawei ka blang kaba shisnem ka rta kum ka jingainguh namar ka pop.

MATHAÏOS 13:12

Naba ha u briew uba don ei ei yn nang ai shuh shuh, khnang ba un ïoh kham bun; hynrei ha u briew u bym don ei ei yn shim noh na u wat ïa kaba rit tam kaba u don.

MATHAÏOS 23:14

A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shim kabu ïa ki riewkynthei bad phi knieh noh ïa ki ïing jong ki, bad nangta phi pyn-i ïa ka jingduwai bajlan! Namar kane, ka jingpynshitom ïa phi kan long kaba kham sniew!

LOUKAS 12:41

U Petros u la ong, “Ko Trai hato kane ka pharshi ka dei na ka bynta jong ngi, ne me mut ïa ka na ka bynta uwei pa uwei baroh?”

LOUKAS 12:49

“Nga la wan ban pynmeh ding ïa ka pyrthei, bad katno nga kwah ba ïa ka, la lah pynmeh lypa!

LOUKAS 16:2

kumta u la khot shapoh ïa u bad u la ong, ‘Kaei kane kaba nga ïohsngew shaphang jong me? To ai ha nga ïa ka jingkheiñ kaba pura ïa ka jingpynïaid jong me ïa ka jingdon jingem jong nga, namar men ym lah shuh ban long u sordar jong nga.’

ÏOANNIS 15:22

Kin ym da la sngewrem ïa la ka pop lada ngam shym la wan bad ngam shym la kren ha ki; kumba ka long, kim don nia ei ei shuh na ka bynta la ka pop.

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

DEUTERONOMI 25:2

Lada la rai ban sympat ïa uta uba la leh palat, u nongbishar un pyndem pyllup ïa u ha madan bad un phah sympat ïa u. Ka jingsympat kan long kat kum ka kam palat jong u.

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

TITOS 1:3

bad ha ka por kaba biang u la pynpaw ïa ka ha ka khubor jong u. Ïa kane la pynkhamti ha nga, bad nga pynbna ïa ka da ka hukum U Blei U Nongpynim jong ngi.

JAKOB 3:1

Ko parabangeit jong nga, ym dei shibun na phi ban long ki nonghikai. Kumba phi tip, ma ngi ki nonghikai ngin sa shah bishar kham pyrkhing ban ïa kiwei pat.