LOUKAS 12:42 - Khasi CL Bible (BSI)

⁴² U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

KA BAIBL

⁴² Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

LOUKAS 12:42 ပူးပေါင်းရင်းမြစ်များ

EKSODOS 36:4

Te ki rangbah kiba tbit kiba trei ïa ka kam ki mih na la ka jingtrei,

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

PROBERB 15:23

Katno ka pynkmen haba ïoh ïa ka kyntien kaba dei kaba ïahap bad ka por.

PROBERB 27:18

Sumar bha ïa u dieng Dumbur bad phin ïoh ïa ki soh ban bam. U shakri uba sumar bha ïa la u kynrad un ïoh burom.

PROBERB 31:15

Ka khie dang step phyrngab bad ka pynkhreh jingbam ïa kiba ha ka ïing jong ka, bad ban ong ïa la ki shakri kynthei ïa kaei kaba ki dei ban leh.

ISAÏAH 50:4

U Trai Nongsynshar u la hikai ïa nga kaei ban ong, khnang ba ngan lah ban pynkhlaiñ ïa kiba tlot bor. Man la ka step u pynlong ïa nga ban thrang eh ban ïohsngew ïa kaei kaba un hikai ïa nga.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

ESEKIEL 34:3

Phi dih ïa ka dud, phi kup ki jaiñ ba la thain na u 'saiwul, phi pynïap bad bam na ki langbrot kiba kynsai tam. Hynrei phim ju sumar bha ïa ki langbrot.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 20:8

“Haba ka janmiet ka la poi, u trai u la bthah ïa la u sordar, ‘To khot ïa ki nongtrei bad siew ïa ka bainong jong ki, sdang na kito kiba la shah khot bylla khatduh bad pynkut ha kito kiba la shah khot bylla nyngkong.’

LOUKAS 12:43

A katno uba kmen long u shakri lada u kynrad jong u, u shem ba u leh ïa kane haba u wan sha ïing!

LOUKAS 7:13

Haba U Trai u la ïohi ïa ka, la pyndap ïa ka dohnud jong u da ka jingisynei ïa ka, bad u la ong ha ka, “Wat ïam.”

LOUKAS 7:19

bad u la phah ïa ki sha U Trai ban kylli ïa u, “Hato me long uta uba u Ïoannis u la ong u ban sa wan, ne hato ngin khmih lynti ïa uwei pat?”

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

1 TIMOTHI 3:15

Hynrei lada la kum pyntud ïa nga, kane ka shithi kan ïathuh ïa me kumno ba ïa lade ngi dei ban long ha ka longïing jong U Blei, kaba long ka balang jong U Blei uba im, ka rijied bad nongkyrshan jong ka jingshisha.

1 TIMOTHI 5:17

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

TITOS 1:7

Namar ba u nongïalam balang u long uba pynïaid ïa ka kam U Blei, u dei ban long u bym don jingshah kynnoh pop. Um dei ban long uba leh meng ne uba bitar shen, ne uba buaid ne uba leh jubor ne uba lalot pisa.

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

HEBRU 13:7

To kynmaw ïa ki nongïalam jong phi kiba mynshuwa, kiba la kren ha phi ïa ka khubor U Blei. To da pyrkhat kumno ki la im bad ki la ïap, bad pyrthuh bud ïa ka jingngeit jong ki.

HEBRU 3:5

U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

1 PETROS 4:10

Uwei pa uwei, kum u sordar babha jong ki jingai ba bun jait jong U Blei, u dei ban pyndonkam na ka bynta ka jingbha jong kiwei ïa ka jingai bakyrpang kaba u la ïohpdiang na U Blei.