LOUKAS 12:37 - Khasi CL Bible (BSI)

³⁷ A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

KA BAIBL

³⁷ Suk kita ki shakri, ïa kiba haba u wan u kynrad, un shem ba ki dang ïasharai; shisha nga ong ha phi, ba un panpoh ïa lade, bad un pynshong bam ïa ki, bad un wan bad un shakri ruh ïa ki.

LOUKAS 12:37 ပူးပေါင်းရင်းမြစ်များ

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

MATHAÏOS 24:42

“To sumar, te, namar ba phim tip ha kano ka sngi ba U Trai jong phi un wan.

LOUKAS 12:36

kum ki shakri kiba ap khmih ïa u kynrad jong ki ban wan phai pat na ka jingkhawai shongkurim. Haba u wan bad u tied jingkhang, mar kumta hi, kin plie ïa ka jingkhang na ka bynta jong u.

LOUKAS 12:43

A katno uba kmen long u shakri lada u kynrad jong u, u shem ba u leh ïa kane haba u wan sha ïing!

LOUKAS 17:8

Ym kumta da shisha! Pynban, phi ong ha u, ‘To pynkhreh ïa ka jingbam miet jong nga, nangta to phong ïa ka jaiñ-da jong me bad shakri ïa nga katba nga dang bam bad dih; hadien kata me lah ban bam ïa ka jingbam jong me.’

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

LOUKAS 22:27

Uei uba kham khraw, uta uba shong ban bam ne uta uba shakri ïa u? Uta keiñ uba shong. Hynrei nga long hapdeng jong phi kum uta uba shakri.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

1 KORINTH 2:9

Pynban, kumba ka Jingthoh Bakhuid ka ong: “Ïa kaei kaba ym pat don mano mano ba la ïohi ne ïohsngew, ïa kaei kaba ym pat don mano mano ba la pyrkhat ba lah ban jia, ka long kata hi kaei kaei kaba U Blei u la pynkhreh ïa kito kiba ieit ïa u.”

PHILIPPI 1:21

Naba kaei ka jingim? Ïa nga, ka long U Khrist. Da ka jingïap, te, ngan wallam kham bun.

PHILIPPI 1:23

Ïa nga la tan ha ki ar bynta. Nga da kwah eh ban iehnoh ïa kane ka jingim bad ban don bad U Khrist, kaba long kaei kaei kaba kham bha;

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

JINGPYNPAW 14:13

Nangta nga la ïohsngew ïa ka sur na bneng kaba ong, “To thoh ïa kane: Suk kito kiba naduh mynta ki ïap ha kaba shakri ïa U Trai!” “Ho-oid shisha!” U Mynsiem u jubab. “Kin ïoh shongthait na ki jingtrei shitom jong ki, namar ki soh ka jingshakri jong ki, ki leit lem bad ki.”

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.