LOUKAS 12:31 - Khasi CL Bible (BSI)

³¹ Pynban, to pyrkhat ïa ka Hima jong u, bad un pyndap ïa phi da kine kiei kiei.”

KA BAIBL

³¹ Hynrei, phi to ïawad ïa ka hima ka jong U Blei; te ïa kine kiei kiei baroh yn sa ai lang tam ha phi.

LOUKAS 12:31 ပူးပေါင်းရင်းမြစ်များ

SALM 34:9

To pyndonburom ïa U Trai, phi ki briew jong u baroh; kito kiba kohnguh ïa u kin ïoh ïa baroh kat kaba ki donkam.

SALM 37:19

Kin ym shahshitom haba ki wan ki por basniew, kin ïoh kyrhai ha ka por jong ka 'nemsniew.

SALM 37:25

Nga long mynta u riewtymmen; nga la im slem bha, hynrei ngam pat ïohi ba u briew uba bha un shah iehnoh ha U Trai, lane ba ki khun jong u ba ki khrong jingbam.

SALM 37:3

Shaniah ha U Trai bad leh ïa kaba bha; shong ha ka ri, bad shongshngain.

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

ISAÏAH 33:16

Te phin long shngain; phin long skhem kum ka kut bakhlaiñ. Phin don ka jingbam ban bam bad ka um ban dih.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

LOUKAS 10:42

hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 12:30

(Naba kiba mane blei thala jong kane ka pyrthei ki ïai pyrkhat shaphang kine kiei kiei baroh.) U Kpa jong phi u tip ba phi donkam ïa kine kiei kiei.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”