LOUKAS 12:20 - Khasi CL Bible (BSI)

²⁰ Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

KA BAIBL

²⁰ Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’

LOUKAS 12:20 ပူးပေါင်းရင်းမြစ်များ

ESTHER 5:11

U la kren sarong ha khmat jong ki kumno ba u long uba riewspah, ba u don bun ki khun shynrang, kumno ba u syiem u la pynkiew ïa u sha ka kyrdan ba-halor, bad kumno ba u long uba kham donkam ban ïa kiwei ki rangbah synshar u syiem.

Ka Kitab U Job 27:8

Don jingkyrmen aïu na ka bynta ki briew kiba khlem blei ha ka kynta ba U Blei un dawa ïa ka jingim jong ki?

SALM 39:6

Baroh kaba u leh kam long ei ei; u lum spah, hynrei um tip uei u ban ïoh ïa ka.

SALM 49:10

Uno uno u lah ban ïohi ba wat ki briew kiba stad ki ïap, kumjuh kum ki briew kiba bieit bad kiba mutlop. Baroh ki iehnoh ïa ka spah jong ki ha kiba hiarpateng.

SALM 73:19

La pynjot ïa ki ha ka shikhyllipmat, ki la leit hiar sha ka jingkut kaba shyrkhei.

SALM 78:30

Hynrei kim pat shym la pynhun ïa ka jingkwah jong ki bad ki dang ïai bam,

PROBERB 10:2

Ka spah kaba phi ïoh da ka bymhok kam pynmyntoi ei ei, hynrei ka jinglonghok ka pyllait ïa ka jingim jong phi.

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 13:7

Don ki briew kiba leh riewspah, hynrei kim don ei ei. Kiwei ki leh duk, hynrei ki don ka spah bah.

PROBERB 27:1

Wat sarong shaphang kaba lashai. Phim tip aïu kan jia hapdeng mynta bad hadien.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

ISAÏAH 56:12

‘Ïa ngin ïawad waiñ khyndiat,’ kine ki nongdih kyiad ki ong, ‘bad dih katba ngi lah! Lashai kan kham palat ban ïa kaba mynta!’ ”

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

AMOS 6:13

Phi kob shaphang kaba ïoh kurup ïa ka shnong Lodebar. Phi kob, “Ngi la long kiba khlaiñ bha ban ïohknieh ïa ka Karnaim.”

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

LOUKAS 11:40

A ki bieit! Hato ym dei U Blei uba la thaw ïa kaba shabar, uba la thaw ruh ïa kaba shapoh?

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 TIMOTHI 6:7

Ngi wallam aïu sha ka pyrthei? Ym don ei ei! Ngi lah ban rah aïu pat na ka pyrthei? Ym don ei ei!

JAKOB 4:14

Phim tip wat ïa kaei ka ban jia ïa ka jingim jong phi ha ka lashai! Phi long kum ka tdem, kaba paw tang shipor bad nangta ka jah noh.