LOUKAS 12:17 - Khasi CL Bible (BSI)

¹⁷ U la sdang ban pyrkhat ha lade, ‘Ngam don hangno hangno ban buh ïa ki jingthung jong nga baroh. Aïu nga lah ban leh?

KA BAIBL

¹⁷ Te u la puson ha lade, u da ong, ‘Kumno ngan leh? naba ngam don jaka ha kaba ngan lum ïa ki soh jong nga.’

LOUKAS 12:17 ပူးပေါင်းရင်းမြစ်များ

EKLESIASTIS 11:2

Buh ïa ki jingthep pisa jong phi ha ki jaka babun — wat ha kiba bun ki jaka — namar ba phim tip da lei lei ka jait jingsniewbok aïu kaba phin ïoh ha kane ka pyrthei.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MATHAÏOS 16:7

Ki la sdang ban ïakren para ma ki hi, “U ong ïa kane namar ngim shym la wanrah jingbam ei ei.”

MATHAÏOS 5:42

Haba uno uno u pan ei ei na phi, to ai ïa kata ha u; haba uno uno u kwah ban pan kylliang ei ei na phi, to ai kylliang ïa u.

LOUKAS 10:25

U nonghikai ka Hukum u la wan bad u la pyrshang ban riam ïa U Jisu. “Ko Nonghikai,” u la kylli, “kaei nga dei ban leh ban ïohpdiang ïa ka jingim bymjukut?”

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

LOUKAS 12:16

Nangta U Jisu u la ïathuh ha ki ïa kane ka pharshi: “La don shisien u briew uba riewspah uba don ka jaka kaba la pynmih kyrhai ki jingthung.

LOUKAS 12:18

Kane ka long kaei kaba ngan leh,’ u la ong ha lade; ‘ngan pynpra ïa ki thiar jong nga bad shna ïa kiba kham heh, ha kaba ngan kynshew ïa u kew jong nga bad ïa kiwei kiwei de ki mar jong nga.

LOUKAS 12:22

Nangta U Jisu u la ong ha ki synran, “Bad kumta nga ong ha phi ban ym khuslai shaphang ka jingbam kaba phi donkam ban im lane shaphang ki jaiñ kiba phi donkam na ka bynta ka met jong phi.

LOUKAS 12:29

“Kumta baroh wat sngewdiaw, da kaba pyrkhat ïa kaei phin bam bad dih.

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 16:3

U shakri u la ong ha lade, ‘U Kynrad jong nga un sa beh ïa nga na ka kam jong nga. Kaei ba ngan leh? Ngam long uba khlaiñ ban tih kharai, bad nga sngewlehrain ban khrong.

LOUKAS 16:9

Bad U Jisu u ïai bteng ban ong, “Bad kumta nga ong ha phi: Pynlong paralok na ka bynta ïa lade da ka spah ba kynja pyrthei, khnang ba haba kam don shuh, yn pdiang sngewbha ïa phi sha ka ïing bymjukut.

LOUKAS 18:22

Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 19:17

‘Me la lehbha,’ u la ong; ‘me long u shakri uba bha! Namar ba me long uba lah ban shaniah ha kiei kiei kiba rit, ngan buh ïa me ban khmih ïa ki shiphew tylli ki nongbah.’

LOUKAS 3:11

U la jubab, “Uta uba don ar tylli ki sopti, u dei ban ai kawei ha u briew u bym don, bad uno uno uba don jingbam u dei ban ïasam ïa ka.”

KI KAM 16:30

Nangta u la ïalam noh ïa ki shabar bad u la kylli, “Ko rangbah, kaei nga dei ban leh ba yn pynim ïa nga?”

KI KAM 2:37

Haba ki paidbah ki la ïohsngew ïa kane, ki la khuslai shikatdei eh bad ki la ong ha u Petros bad ha kiwei pat ki apostol, “Kaei kaba ngin leh, ko para?”

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 ÏOANNIS 3:16

Kane ka long kumno ngi tip kaei ka jingieit: U Khrist u la aiti ïa la ka jingim na ka bynta jong ngi. Ngi ruh, namarkata, ngi dei ban ai ïa la ki jingim na ka bynta ki parabriew!