LOUKAS 11:48 - Khasi CL Bible (BSI)

⁴⁸ Phi da lade hi phi phla, te, ba phi pdiang ïa kaei kaba ki kpa tymmen jong phi ki la leh; ki la pynïap ïa ki nongïathuhlypa, bad phi tei ïa ki mot jingtep jong ki.

KA BAIBL

⁴⁸ Kumta, phi long ki sakhi bad phi ïakohnguh lem ïa ki kam ki kpa jong phi: naba ki, ki la pynïap ïa ki, phi ruh phi ïatei ïa ki maw jingtep jong ki.

LOUKAS 11:48 ပူးပေါင်းရင်းမြစ်များ

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

Ka Kitab U Job 15:6

Kam da donkam ïa nga ban pynrem ïa me; la pynrem ïa me da kawei pa kawei ka kyntien ba me kren.

SALM 64:8

Un pynjot ïa ki namar kito ki kyntien jong ki; baroh kito kiba ïohi ïa ki kin pynkhih ïa la ki khlieh.

ESEKIEL 18:19

“Hynrei phi kylli, ‘Balei ba u khun un ym shahshitom namar ki pop jong u kpa jong u?’ Ka jubab ka long ba u khun jong u la leh ïa kaei kaba dei bad kaba bha. U la sumar ïa ki aiñ jong nga bad u la bud biang biang ïa ki, bad kumta un im da shisha.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

MATHAÏOS 23:31

Kumta phi phla shisha ba phi long ki khun ki ksiew jong kito kiba la pynïap ïa ki nongïathuhlypa!

LOUKAS 11:47

A katno kaba shyrkhei ïa phi! Phi thaw ki mot jingtep ba-itynnat na ka bynta ki nongïathuhlypa — kita ki nongïathuhlypa kiba ki kpa tymmen jong phi ki la pynïap.

LOUKAS 11:49

Na kane ka daw ka Jingstad jong U Blei ka la ong, ‘Ngan phah ha ki ïa ki nongïathuhlypa bad ïa ki nonglamktien; kin pynïap katto katne ngut na ki bad kin pynshitom beiñ ïa kiwei pat.’

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

JAKOB 5:10

Ko parabangeit jong nga, to kynmaw ïa ki nongïathuhlypa kiba la kren ha ka kyrteng jong U Trai. To shim ïa ki kum ki nuksa jong ka jingïaineh ba-ïaishah hapdeng ka jingshahshitom.

JOSHUA 24:22

U Joshua u ong ha ki, “Phi long ki sakhi ïa lade hi ïa ka jingshisha ba phi la jied ban shakri ïa U Trai.” “Ho-oid,” ki ong, “ngi long ki sakhi.”