LOUKAS 11:42 - Khasi CL Bible (BSI)

⁴² “A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

KA BAIBL

⁴² “Hynrei, kordit ïa phi ki Pharisi! Naba phi ai ïa kaba shiphew na u pudina, bad na u rue, bad na u jhur baroh, phi ryngkang te ïa ka hok bad ïa ka jingieit ka jong U Blei; ka la dei ban leh ïa kine kiei kiei ruh, hynrei, ban ym iehnoh keiñ ïa kita kiwei.

LOUKAS 11:42 ပူးပေါင်းရင်းမြစ်များ

NEHEMAÏAH 10:37

Ngin leit rah sha ki lyngdoh ha ka Templ ïa u kpu im jong u kew ba la lum nyngkong jong kawei pa kawei ka snem bad kiwei ki jingkñia waiñ, umphniang Olib bad baroh ki jait soh. Ngin leit rah sha ki Lebi, kiba lum ïa kiba shiphew na ki jaka rep ha ki nongrit, kiba shiphew na ki jingthung kiba mih ha ka ri jong ngi.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

EKLESIASTIS 7:18

Kiar ïa baroh ar tylli ki tduh. Lada phi don ka jingtiengburom ïa U Blei, la kumno kumno phin long kiba jop.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

LOUKAS 18:12

Nga shahjingit ar sien shi taïew, bad nga ai ha me kawei na ki shiphew jong ki jingïoh jong nga baroh.’

ÏOANNIS 5:42

Hynrei nga tip kiba kumno ki briew phi long, bad nga tip ba phim don ka jingieit ïa U Blei ha ki dohnud jong phi.

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.