LOUKAS 11:41 - Khasi CL Bible (BSI)

⁴¹ Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

KA BAIBL

⁴¹ Te hynrei, to ai kum ka jingai isynei na kiei kiei kiba shapoh; te ha khmih, kiei kiei baroh ki long khuid ïa phi.

LOUKAS 11:41 ပူးပေါင်းရင်းမြစ်များ

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 41:1

Suk kito kiba sngewlem ïa kiba duk; U Trai un ïarap ïa ki haba ki hap ha ka jingjynjar.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

MATHAÏOS 26:11

Phin ïai ïoh ïa ki briew kiba duk lem bad phi, hynrei phin ym ïoh ïa nga borabor.

MATHAÏOS 5:42

Haba uno uno u pan ei ei na phi, to ai ïa kata ha u; haba uno uno u kwah ban pan kylliang ei ei na phi, to ai kylliang ïa u.

MARKOS 7:19

namar kam rung sha ka dohnud, hynrei, shapoh ka kpoh jong u bad nangta ka mih shabar na ka met.” (Ha kaba u ong ïa kane, U Jisu u la pynbna ba baroh ki jingbam ki long kiba bit ban bam.)

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 16:9

Bad U Jisu u ïai bteng ban ong, “Bad kumta nga ong ha phi: Pynlong paralok na ka bynta ïa lade da ka spah ba kynja pyrthei, khnang ba haba kam don shuh, yn pdiang sngewbha ïa phi sha ka ïing bymjukut.

LOUKAS 18:22

Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

KI KAM 10:15

Kata ka sur ka la kren biang ha u, “Wat ñiew bymkhuid ïa kano kano kaba U Blei u la pynbna ba ka long kaba khuid.”

KI KAM 11:29

Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia.

KI KAM 24:17

“Hadien ba nga la don bun snem shabar na Jerusalem, nga la leit shata ban rah katto katne ka pisa sha ki briew jong nga bad ban ai ki jingkñia.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

EPHESOS 4:28

U briew uba ju tuh u dei ban sangeh noh ban tuh bad to un sdang ban treikam khnang ba un kamai ïa ka jingim hok na ka bynta ïa lade bad ba u lah ban ïarap ïa kiba kyrduh.

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.