LOUKAS 11:4 - Khasi CL Bible (BSI)

⁴ To map ïa ki pop jong ngi, naba ngi map ïa uwei pa uwei uba leh bakla ïa ngi. Bad wat ïalam ïa ngi sha ka jingtynjuh kaba eh.’ ”

KA BAIBL

⁴ To map ruh ïa ngi ïa ki pop jong ngi; naba ngi hi ruh ngi map ïa baroh kiba leh sniew ïa ngi. To wat ïalam ïa ngi sha ka jingpynshoi ruh, hynrei, sumar ïa ngi na ka basniew.”

LOUKAS 11:4 ပူးပေါင်းရင်းမြစ်များ

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

1 SYIEM 8:34

To map ïa ki pop jong ki briew jong me bad wan ïalam biang ïa ki sha kata ka ri ïa kaba me la ai ha ki kpa tymmen jong ki.

1 SYIEM 8:36

To map ïa ka pop jong u syiem bad jong ki paid Israel. Hikai ïa ki ban leh ïa kaba dei. Nangta, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti jong ki junom.

SALM 121:7

U Trai un ïada ïa phi na ka jingma baroh; un sumar kyndong ïa phi.

SALM 25:11

To bat ïa ka kular jong me, A Trai, bad map ïa ki pop jong nga, namar ba ki don shibun.

SALM 25:18

To ñiew ïa ki jingjynjar bad jingshitom jong nga bad map ïa ki pop jong nga baroh.

DANIEL 9:19

A Trai, to sngew ïa ngi. A Trai, to map ïa ngi. A Trai, to shahshkor ïa ngi, bad to trei! Khnang ba uwei uwei baroh un tip ba me long U Blei, wat ym pynslem! Kane ka nongbah bad kine ki briew ki long ki jong me.”

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

MATHAÏOS 18:35

Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

MATHAÏOS 26:41

To ïa-ap bad to duwai ba phin ym hap ha ka jingpynshoi. Ka mynsiem ka mon, hynrei ka doh ka tlot.”

LOUKAS 11:5

Bad U Jisu u la ong ha la ki synran, “Tharai uwei na phi un leit sha ka ïing u paralok jong phi ha ka por shiteng synñia bad ong ha u, ‘Ko paralok, ai kylliang ïa nga lai tylli ki lyngkhot kpu.

LOUKAS 13:4

Kumno shaphang kito ki khatphra ngut ki briew ha Siloam kiba la shah pynïap mynba ka jaka ap phira ka hap halor jong ki? Hato phi tharai ba kane ka pynshisha ba ki long kiba kham sniew ban ïa baroh kiwei pat ki briew kiba shong basah ha Jerusalem?

LOUKAS 22:46

U la ong ha ki, “Balei phi thiah? Khie joit bad duwai ba phin ym hap ha ka jingpynshoi.”

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

ÏOANNIS 17:15

Ngam kyrpad ba men shim noh ïa ki na ka pyrthei, hynrei nga da kyrpad ba men ri kyndong ïa ki na uta u bymman.

1 KORINTH 10:13

Man la ka jingtynjuh kaba phi la mad ka long kata kaba ju wan ha ki briew. Hynrei U Blei u long uba bat ïa la ka kular, bad un ym shah ban tynjuh ïa phi sha palat ka bor jong phi ba phin ïoh ïaineh skhem; ha ka por ba phi shah tynjuh, un ai ha phi ïa ka bor ba phi lah ban shah ïa ka, bad kumta un thaw ïa ka lad ba phi lah ban lait na ka.

KOLOSSAI 3:13

To ïaishah iwei ïa iwei pat, bad ïamap iwei ïa iwei pat ha man ba uno uno na phi u don ka jingmudui pyrshah ïa uno uno uwei pat. Phi dei ban ïamap iwei ïa iwei pat kumba U Trai u la map ïa phi.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

2 TIMOTHI 4:18

Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.