LOUKAS 11:34 - Khasi CL Bible (BSI)

³⁴ Ki khmat jong phi ki long kum ka sharak ïa ka met jong phi. Haba ki khmat jong phi ki bha, ka met jong phi baroh kawei ka dap da ka jingshai; hynrei haba ki khmat jong phi kim bha, ka met jong phi baroh kawei kan long ha ka jingdum.

KA BAIBL

³⁴ Ka sharak jong ka met ka long ka khmat: namar kata, haba ka khmat jong me ka long kaba sngur, ka met jong me baroh ruh ka shai bha; hynrei, haba ka long kaba jngut, ka met jong me ruh ka dum.

LOUKAS 11:34 ပူးပေါင်းရင်းမြစ်များ

JENESIS 19:11

Nangta ki la shoh pynmatlah ïa kita ki shynrang baroh kiba don habar khnang ba kin ym shem ïa ka jingkhang.

SALM 119:18

To pynpeit ïa ki khmat jong nga, khnang ba ngan ïohi ïa ki jingshisha baphylla hapoh ka aiñ jong me.

SALM 81:12

Kumta nga la shah ïa ki ban ïaid mutlop ha ki lynti jong ki bad ban leh kat kaba ki mon.

PROBERB 21:4

Ki briew kiba sniew ki shah synshar ha la ka hangamei bad ka jingsngewmeng, bad kane ka long pop.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 42:19

Hato don uno uno uba kham matlah ban ïa u shakri jong nga, uba kham kyllut ban ïa u nonglamktien ba nga phah?

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

ISAÏAH 5:20

Phi long ba la tim! Phi khot kaba bha ïa kaba sniew bad kaba sniew ïa kaba bha. Phi pynphai ïa ka jingdum sha ka jingshai bad ïa ka jingshai sha ka jingdum. Phi pynlong kaba thiang ïa kaba kthang bad kaba kthang ïa kaba thiang.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

MARKOS 4:12

khnang ba, “ ‘Kin khmih bad ïai khmih, pynban kin ym ïohi; Kin sngap bad ïai sngap, pynban kin ym sngewthuh. Namar lada ki ïohi lane sngewthuh, kin phai sha U Blei, bad un map ïa ki.’ ”

MARKOS 7:22

ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

MARKOS 8:18

Phi don ki khmat — hato phim lah ban ïohi? Phi don ki shkor — hato phim lah ban ïohsngew?

LOUKAS 11:35

Pynthikna, te, ba ka jingshai hapoh jong phi kam dei ka jingdum.

KI KAM 13:11

Ka kti U Trai kan sa wan ha me mynta; men sa matlah bad men ym ïohi ïa ka jingshai jong ka sngi shipor.” Mar kumta hi u Elumas u la sngew ba u lyoh khyndew uba ïong u la tap ïa ki khmat jong u, bad u la ïaid kylleng da kaba pyrshang ban wad ïano ïano ban ïalam ïa u na ka kti.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

EPHESOS 6:5

Phi ki mraw, to kohnguh ïa la ki kynrad da ka jingsheptieng bad ka jingkhynñiuh; bad leh ïa ka da ka dohnud basngur, kumba phi shakri ïa U Khrist.

KOLOSSAI 3:22

Ko ki shakri, to kohnguh ïa ki kynrad jong phi ha kiei kiei baroh, ym tang haba ki ïohi ïa phi namar ba phi kwah ban ïoh pynsngewbha ïa ki; hynrei to leh ïa ka da ka dohnud bashisha namar ka jingsheptieng burom jong phi ïa U Trai.