LOUKAS 11:32 - Khasi CL Bible (BSI)

³² Ha ka Sngi Bishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki haba ki la ïohsngew ba u Jonah u ïalap; bad nga pynthikna ïa phi ba don uei re uei hangne uba kham khraw ban ïa u Jonah!

KA BAIBL

³² Ki nong Ninebeh kin ïaïeng lem ha ka jingbishar bad kane ka pateng bynriew, bad kin pynrem ïa ka; naba ki la kylla-ka-bamut da ka jingïalap u Jonah, bad ha khmih, uba kham khraw ïa u Jonah u don hangne.

LOUKAS 11:32 ပူးပေါင်းရင်းမြစ်များ

JONAH 3:4

U Jonah u sdang ban ïaid lyngba ïa ka nongbah, bad hadien ba u la ïaid baroh shi sngi, u la pynbna, “Hapoh sawphew sngi ïa ka Ninebeh yn sa pynjot!”

JONAH 3:5

Ki briew jong ka Ninebeh ki la ngeit ïa ka khubor U Blei. Kumta ki la ïa-rai ba baroh ki dei ban shahjingit, bad ba baroh ki briew, naduh uba rit tam haduh uba khraw tam, ban phong jaiñ khain ban pynpaw ba ki la kylla-kaba-mut.

JONAH 4:9

Hynrei U Blei u la ong ha u, “Me don hok aïu ban bitar ïa u jingthung?” U Jonah u la jubab, “Nga don ka hok baroh ban bitar — ban bitar eh ban ïap!”

MATHAÏOS 12:39

“Katno kiba sniew bad bym don blei ki long ki briew jong kane ka por!” U Jisu u la pynbna. “Phi pan na nga ïa ka kambah? Em! Ka kambah kaba yn ai ha phi ka long tang ka kambah jong u Jonah u nongïathuhlypa.

MATHAÏOS 12:41

Ha ka Sngi ka Jingbishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki mynba ki la ïohsngew ba u Jonah u ïalap; bad nga ong ha phi ba don hangne uba kham khraw ban ïa u Jonah!

LOUKAS 11:31

Ha ka Sngi Bishar, ka syiem jong ka Sheba kan ïeng bad mudui ïa ki briew kiba mynta, namar ka la wan jngai na la ka jong ka ri ban shahshkor ïa ka jinghikai bastad jong u syiem Solomon; bad nga ong ha phi ba don uei re uei hangne uba kham khraw ban ïa u Solomon.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.