LOUKAS 11:22 - Khasi CL Bible (BSI)

²² Hynrei haba u briew uba kham khlaiñ u tur ïaleh ïa u bad jop ïa u, u kit noh ïa baroh ki tiar ïaleh kiba u trai u la shaniah bad u ïasam ïa kaei kaba u la lute.

KA BAIBL

²² Hynrei, ynda uba kham khlaiñ ïa u un wan ïaleh ïa u, bad un jop ïa u, u shim noh ïa ka jingkieng atiar jong u baroh ha kaba u la shaniah, bad u ïabynta ïa ki jinglute jong u.

LOUKAS 11:22 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

EKSODOS 15:9

U nongshun u ong, ‘Ngan beh kthong bad kem ïa ki, ngan ïabynta ïa ka spah jong ki, bad ngan shim kat ïa kaba nga mon; ngan sei ïa la ka waitlam, bad ngan shim ïa baroh kaba ki don.’

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ISAÏAH 53:12

Bad kumta ngan ai ha u ïa ka burom, ka jaka hapdeng kiba khraw bad kiba donbor. U la aiti mon sngewbha ïa la ka jingim bad u la shim bynta lem bad ki riewbymman. U la shim ïa ka jaka jong ki nongpop kiba bun bad u la duwai ba ki kin ïoh ïa ka Jingmap-ei.”

LOUKAS 11:21

“Haba u briew uba khlaiñ, uba la khreh ïa la ki tiar ïaleh baroh, u ap phira ïa la ka jong ka ïing, baroh ki jingdon jingem jong u ki don ha ka jingshngain.

LOUKAS 11:23

“Uno uno u bym long ha ka liang jong nga u pyrshah da shisha ïa nga; uno uno u bym ïarap ïa nga ban lum u pynsaphriang da shisha.

EPHESOS 6:11

To kieng noh ïa ka jingkieng atiar U Blei baroh, khnang ba phi lah ban ïeng pyrshah ïa ki buit thap basniew jong u Soitan.

EPHESOS 6:13

Kumta to kieng mynta ïa ka jingkieng atiar U Blei! Nangta haba ka sngi basniew ka wan, phin lah ban ïeng ïaleh pyrshah ïa ki bor ïaleh u nongshun; bad hadien ba ka jingïaleh ka la kut, phin dang ïeng skhem ha ka nongrim jong phi.

KOLOSSAI 2:15

Bad halor kata ka diengphna, U Khrist u la pyllaitluid ïa lade na ka bor jong ki nongsynshar ba kynja mynsiem bad na ki bor synshar; u la pynlong ka jingthadrong ïa ki da kaba ïalam ïa ki kum ki mraw ha ka jingïaid paidbah kaba jop jong u.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.