LOUKAS 11:2 - Khasi CL Bible (BSI)

² U Jisu u la ong ha ki, “Haba phi duwai, to ong ïa kane: “ ‘Ko Kpa: Ai ba ka kyrteng jong me kan long kaba la pyndonburom; ai ban wan ka Hima jong me.

KA BAIBL

² U la ong te ha ki, “Haba phi duwai, to ong: “Ko Kpa jong ngi uba ha bneng, long bakhuid ka kyrteng jong me: wan ka hima jong me: long ka mon jong me ha ka khyndew ruh, kumba ha bneng.

LOUKAS 11:2 ပူးပေါင်းရင်းမြစ်များ

1 SYIEM 8:43

Na bneng, ha kaba me shong, sngap ïa u bad leh ïa kaei kaba u kyrpad ïa me ban leh, khnang ba baroh ki briew jong kane ka pyrthei kin tip ïa me bad kohnguh ïa me kumba ki paid Israel ki leh. Te kin tip ba kane ka Templ ïa kaba nga la tei kan long ka jaka ha kaba yn mane ïa me.

2 SYIEM 19:19

Mynta, A Trai U Blei jong ngi, to pyllait ïa ngi na ki Assyria, khnang ba baroh ki hima ka pyrthei kin tip ba tang ma me hi, U Trai, me long U Blei.”

2 KHRONIKL 20:6

“A Trai U Blei jong ki kpa tymmen jong ngi, me synshar ha bneng halor ki jaitbynriew baroh jong ka pyrthei. Me long uba donbor bad uba khrawbor, bad ym don ba lah ban pyrshah ïa me.

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

SALM 108:5

To pyn-i ïa ka jingkhraw jong me ha ka sahit bneng, A Blei, bad ka burom jong me halor ka pyrthei baroh.

SALM 11:4

U Trai u don ha ka Templ bakhuid jong u; u don ka khet jong u ha bneng; u khmih ïa ki briew hangno hangno haba ki don, bad u tip ki ïaleh aïu.

SALM 57:11

To pyn-i ïa ka jingkhraw jong me ha ka sahit bneng, A Blei, bad ïa ka burom jong me baroh sawdong ka pyrthei.

EKLESIASTIS 5:2

Da pyrkhat shuwa ba phin kren, bad wat pynlong kino kino ki jingkular kyrkieh ha U Blei. U don ha bneng bad ma phi ha khyndew, kumta wat ong ei ei palat ban ïa kaba phi dei ban ong.

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

ESEKIEL 36:23

Ynda haba ngan pynpaw ha ki jaitbynriew ïa ka jingkhuid ka kyrteng bakhraw jong nga — ka kyrteng ïa kaba phi la pynjahburom hapdeng jong ki — te kin sa tip ba nga long U Trai. Ma nga, U Trai Nongsynshar, nga la kren. Ngan pyndonkam ïa phi ban pyn-i ha ki jaitbynriew ba nga long uba khuid.

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 7:18

Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

LEBITIKOS 22:23

Phi lah ban kñia ainguh ïa u jingri uba raid lane u bym shong beit ka met ka phad kum ka jingainguh sngewbha, hynrei yn ym pdiang ïa u haba pyndep ïa kano kano ka jingkular.

HABAKKUK 2:14

Hynrei ka pyrthei kan long ba la dap da ka jingtip ïa ka burom U Trai kumba ki duriaw ki dap da ka um.

MATHAÏOS 10:32

“Lada uno uno u pynbna ha kaba paw ba u long u jong nga, ngan leh kumjuh ha khmat U Kpa jong nga uba ha bneng.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

LOUKAS 11:1

Ha kawei ka sngi U Jisu u dang duwai ha kawei ka jaka. Haba u la dep, uwei na ki synran jong u, u la ong ha u, “Ko Trai, to hikai ïa ngi ban duwai, kumba u Ïoannis u la hikai ïa ki synran jong u.”

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

1 KORINTH 1:3

To U Blei uba long U Kpa jong ngi bad U Jisu Khrist uba U Trai un ai ha phi ïa ka jingaiei bad ïa ka jingsuk.

2 KORINTH 1:2

To U Blei uba U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

EPHESOS 1:2

To U Blei uba U Kpa jong ngi bad U Jisu Khrist uba U Trai un ai ïa phi ka jingaiei bad ka jingsuk.

PHILIPPI 1:2

To ai ba U Blei uba U Kpa jong ngi bad U Jisu Khrist uba U Trai jong ngi un ai ha phi ka jingaiei bad ka jingsuk.

PHILIPPI 4:20

Ha U Blei bad U Kpa jong ngi, long ka burom junom la junom! Amen.

KOLOSSAI 1:2

Ha ki briew jong U Blei ha Kolossai kiba long ki parabangeit baïaineh ha U Khrist: Ai ba U Blei uba U Kpa jong ngi un ai ha phi ka jingaiei bad ka jingsuk.

1 THESSALONI 1:1

Na u Paul, u Silas, bad u Timothi — Ha ki parabangeit jong ka balang ha Thessaloni, kiba long ki jong U Blei uba U Kpa bad U Jisu Khrist uba U Trai: Ai ba ka jingaiei bad ka jingsuk kan long ka jong phi.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 19:6

Nangta nga la ïohsngew ïa kaei kaba sawa kum u paid uba bun, kum ka jingsawa jong ka jingkyrhuh jong ka kshaid, kum ki jingtied jam jong u pyrthat. Nga la ïohsngew ïa ki ba ki ong, “To ïaroh ïa U Blei! Naba U Trai, U Blei Badonbor Baroh jong ngi, u long U Syiem!

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.