LOUKAS 11:18 - Khasi CL Bible (BSI)

¹⁸ Kumta lada ka hima jong u Soitan ka don ki kynhun kiba ïaleh kawei ïa kawei pat, kumno kan neh? Phi ong ba nga beh noh ïa ki ksuid namar ba u Beelsebul u ai ha nga ka bor ban leh kumta.

KA BAIBL

¹⁸ Te lada u Soitan ruh u ïaleh hi ïa lade, kumno kan neh ka hima jong u? naba phi ong ba nga beh noh ïa ki ksuid da u Belsebul.

LOUKAS 11:18 ပူးပေါင်းရင်းမြစ်များ

MATHAÏOS 10:25

Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 12:26

Kumta lada kawei ka kynhun ka ïaleh ïa kawei pat ka kynhun hapoh ka hima jong u Soitan, kane ka mut ba ka la da ïaphiah ha ki kynhun bad shen kan sa khyllem ha ka jingpra!

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

LOUKAS 11:15

hynrei katto katne ngut na u paidbah ki la ong, “U dei u Beelsebul, u rangbah jong ki ksuid, uba la ai ha U ïa ka bor ban beh noh ïa ki.”