LOUKAS 11:13 - Khasi CL Bible (BSI)

¹³ Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

KA BAIBL

¹³ Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa U Mynsiem Bakhuid ha kita kiba pan na u?”

LOUKAS 11:13 ပူးပေါင်းရင်းမြစ်များ

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

ISAÏAH 49:15

Kumta U Trai u jubab, “Hato ka briew ka lah ban klet noh ïa la i khunlung bad ban ym ieit ïa i khun iba ka la kha? Wat la ka kmie ka lah ban klet ïa la i khun, da lei lei ngan ym klet ïa phi.

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

MATHAÏOS 6:14

“Namar lada phi map ïa kiwei ïa ki jingpalat kiba ki la leh ïa phi, U Kpa jong phi uba ha bneng un map ruh ïa phi.

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MATHAÏOS 6:32

(Kine ki long kiei kiei kiba ki nongmane blei thala ki ju ïai pyrkhat borabor.) U Kpa jong phi uba ha bneng u tip ba phi donkam ïa kine kiei kiei baroh.

MATHAÏOS 7:11

Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

LOUKAS 11:12

Lane hato phin ai ïa u da ka 'ñianglartham haba u pan ïa ka pylleng?

LOUKAS 11:2

U Jisu u la ong ha ki, “Haba phi duwai, to ong ïa kane: “ ‘Ko Kpa: Ai ba ka kyrteng jong me kan long kaba la pyndonburom; ai ban wan ka Hima jong me.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

Ka Shithi U Paul Sha Ki Nong Rom 5:17

Ka long ka jingshisha ba lyngba ka pop jong uwei u briew, ka jingïap ka la sdang ban synshar, namar jong uta uwei u briew. Hynrei katno kaba kham khraw ka long ka jingmih jong kaei kaba la leh da uwei u briew, U Jisu Khrist! Baroh kiba ïohpdiang ïa jingaiei bakyrhai U Blei bad ba la pynïasuk bad u kin synshar ha ka jingim lyngba U Khrist.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.