LOUKAS 10:7 - Khasi CL Bible (BSI)

⁷ Sah ha kata kajuh ka ïing, bam bad dih ïa kano kano kaba ki ai ïa phi, naba u nongtrei u dei ban ïoh ïa ka bainong jong u. Wat leit sawdong na kawei ka ïing sha kawei pat.

KA BAIBL

⁷ Bad phin ïaishong ha kata kajuh ka ïing, da bam da dih ruh ïa kiei kiei ruh katba kin ai; naba ka dei ïa u nongtrei ban ïoh ïa la ka bainong. Wat kynriah noh na ka ïing sha ka ïing.

LOUKAS 10:7 ပူးပေါင်းရင်းမြစ်များ

JINGKHEIÑ 18:31

Ma phi bad ki ba-ha-ïing ha-sem jong phi, phi lah ban bam ïa kata kaba dang sah ha kano kano ka jaka, namar ka long ka bainong ïa ka jingshakri jong phi ha ka Ïingjaiñ.

MARKOS 6:10

U la ong ruh, “Hangno hangno ba la khot sngewbha ïa phi, sah ha kajuh ka ïing haduh ba phin da mih na kata ka jaka.

LOUKAS 10:6

Lada u briew uba ieit ïa ka jingsuk u shong hangta, ai ba ka jingkhublei jingsuk jong phi kan neh ha u; lymda kumta, shim noh ïa ka jingkhublei jingsuk.

LOUKAS 9:4

Hangno hangno ha kaba la pdiang sngewbha ïa phi, to sah ha kajuh ka ïing tad haduh ba phin da mihnoh na kata ka shnong;

KI KAM 16:15

Hadien ba ma ka bad ki dkhot jong ka ïing jong ka ki la shah pynbaptis, ka la khot sngewbha ïa ngi, “To wan bad sah hapoh ka ïing jong nga lada phi la pdiang ba nga long ka parabangeit bashisha ha U Trai.” Bad ka la pynkohnguh ïa ngi ban leit.

KI KAM 16:34

Nangta u la ïalam ïa u Paul bad u Silas sha ka ïing jong u bad u la ai ha ki katto katne ka jingbam ban bam. Ïa u bad ka longïing jong u la pyndap da ka jingkmen, namar mynta ki la ngeit ha U Blei.

KI KAM 16:40

U Paul bad u Silas ki la mihnoh na ka byndi bad ki la leit sha ka ïing jong ka Lydia. Hangta ki la ïakynduh ïa ki parabangeit, ki la kren ki kyntien pynshlur ïa ki, bad ki la leit noh.

GALATIA 6:6

U briew uba la shah hikai ha ka jinghikai khristan u dei ban ïasam ïa kiei kiei kiba bha baroh kiba u don bad u nonghikai jong u.

DEUTERONOMI 12:12

Shadkmen ha khmat jong u hangta, lem bad ki khun ki kti jong phi, ki shakri shakor jong phi, bad ki Lebi kiba shong ha ki shnong jong phi; to kynmaw ba ki Lebi kim don bri don khyndew la ka jong.

DEUTERONOMI 18:8

U dei ban ïoh bynta mar katjuh ka jingbam kumba long kiwei pat ki lyngdoh, bad u lah ban buh ïa kano kano kaba ki ba-ha-ïing ha-sem jong u ki phah sha u.

1 TIMOTHI 5:13

Ki nang ruh ban pynlehnoh-ei ïa la ka por ha kaba kyntiap na kawei ka ïing sha kawei pat; hynrei kaba kham sniew, ki nang ban ïa-lorni bad pynsyrwa ei ïa ka por, da kaba ki kren ïa kiei kiei kiba kim dei ban kren.

2 TIMOTHI 2:6

U nongrep uba la trei shitom u dei ban ïoh ïa ka bynta kaba nyngkong na ka jingot.