LOUKAS 10:2 - Khasi CL Bible (BSI)

² U la ong ha ki, “Ka don ka jingot bakhraw, hynrei tang khyndiat ngut ki nongtrei ban ïalum ïa ka. To kyrpad ïa u trai jong ka jingot ba un phah ïa ki nongtrei ban lumlang ha ka jingot jong u.

KA BAIBL

² Bad u la ong ha ki, “Ka jingot ka bun shisha, hynrei, ki nongtrei ki khyndiat; namar kata, to ïakyrpad phi ïa U Trai kata ka jingot, ba un phah noh ïa ki nongtrei sha ka jingot jong u.

LOUKAS 10:2 ပူးပေါင်းရင်းမြစ်များ

1 SYIEM 18:22

Nangta u Elijah u ong, “Nga don sa tang ma nga u nongïathuhlypa jong U Trai uba dang sah, hynrei ki don sawspah sanphew ngut ki nongïathuhlypa jong u Baal.

SALM 68:11

U Trai u ai ïa ka hukum, bad bun ki kynthei ki rah ïa ka khubor:

JEREMAÏAH 3:15

Ngan ai ha phi ki nongsynshar ki ban kohnguh ïa nga, bad kin synshar ïa phi da ka jingstad bad ka jingshemphang.

SEKHARAÏAH 11:17

Uta u nongaplangbrot u bymmyntoi ei ei u long uba la tim! U la iehnoh ïa la ka kynhun langbrot. Ka thma kan pynjot khoit ïa ka bor jong u. Ka kti jong u kan ïapstai bad ka khmat kamon jong u kan long kaba matlah.”

SEKHARAÏAH 11:5

Ki trai jong ki, ki pynïap ïa ki bad ki lait na ka jingshah pynshitom. Ki die ïa ka doh bad ki ong, ‘To ïaroh ïa U Trai! Ngi la riewspah!’ Wat ki nongaplangbrot jong ki hi kim don jingisynei ïa ki.”

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

JINGKHEIÑ 11:29

U Moses u jubab, “Hato me pyrkhat lem shaphang kiei kiei kiba ïadei bad nga? A ban da U Trai u ai ïa la ka bor mynsiem ha ki briew jong u baroh bad u pynlong ïa ki ban pyrta jam kum ki nongïathuhlypa!”

MATHAÏOS 20:1

“Ka Hima ki bneng ka long kumne. Shisien la don u briew uba la mih dang step phyrngab ban khot bylla katto katne ngut ki rangbah ban trei ha ka bri sohwaiñ jong u.

MARKOS 13:34

Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha.

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

MARKOS 16:20

Ki synran ki la leit bad ïalap kylleng, bad U Trai u la trei lem bad pynshisha ba ka jingïalap jong ki ka la long kaba shisha da ki kambah kiba ki la leh.]

LOUKAS 9:1

U Jisu u la khot lang ïa ki khat-ar ngut ki synran bad u la ai ha ki ka bor bad ka iktiar ban beh noh ïa ki ksuid baroh bad ban pynkhiah ïa ki jingpang.

KI KAM 11:19

Katto katne ngut ki parabangeit ïa kiba la pynsakma da ka jingshah pynshitom beiñ kaba la jia myn haba la pynïap ïa u Stephan, ka la pur shaduh sha Phoenisia, Sypros, bad Antiokh, da kaba ïathuh ïa ka khubor tang ha ki Jiw.

KI KAM 13:2

Katba ki dang ïashakri ïa U Trai bad shahjingit, U Mynsiem Bakhuid u la ong ha ki, “Pynkyrpang na ka bynta jong nga ïa u Barnabas bad u Saul, ban trei ïa ka kam sha kaba nga la khot ïa ki.”

KI KAM 13:4

Haba la phah da U Mynsiem Bakhuid, u Barnabas bad u Saul ki la leit sha Seleukia bad ki la leit da ka lieng nangta sha ka dewlynnong Sypros.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 22:21

‘Khie leit,’ U Trai u la ong ha nga, ‘naba ngan phah ïa me sha jngai sha ki Jentil.’ ”

KI KAM 8:4

Kita ki riewngeit ïa kiba la pynsakma ki la leit kylleng, ki da ïalap ïa ka khubor.

1 KORINTH 12:28

Ha ka balang, U Blei u la buh ïa baroh ha la ka bynta: Ha ka bynta banyngkong u buh ïa ki Apostol, ha ka bynta kaba ar ïa ki nongïathuhlypa, kaba lai ïa ki nonghikai; nangta ïa kito kiba leh ïa ki kambah, bud sa kito ha kiba la ai ïa ka bor ban pynkhiah lane ban ïarap ïa kiwei lane ban pyn-i lem lane ban kren ha ki thylliej bapher.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

PHILIPPI 2:21

Uwei pa uwei u sngewkhia tang ïa la ki jong ki kam, ym ïa kiei kiei ki jong U Jisu Khrist.

PHILIPPI 2:25

Nga don ka jingpyrkhat ba ka donkam ban phah sha phi ïa u para jong ngi u Epaphroditos, uba la trei bad ïaleh ha syndah jong nga bad uba la shakri kum u nonglamktien jong phi ha kaba ïarap ïa nga.

PHILIPPI 2:30

namar u la kheiñduh ïa la ka jingim, bad u la jan ïap na ka bynta ka kam U Khrist, khnang ba un ai ïa nga ka jingïarap, kaba ma phi da lade phim lah ban ai.

KOLOSSAI 1:29

Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 2:9

Da shisha phi kynmaw, ko parabangeit jong ngi, kumno ba ngi la minot bad trei shitom! Ngi la trei mynsngi bad mynmiet khnang ba ngin ym bankhia ïa phi haba ngi la ïalap ha phi ïa ka Khubor Babha na U Blei.

1 THESSALONI 5:12

Ngi kyrpad ïa phi, ko parabangeit jong ngi, ban ai ka burom kaba dei biang ïa kito kiba la trei hapdeng jong phi, kiba la ïalam bad hikai ïa phi ha ka jingim kum kiba ngeit.

2 THESSALONI 3:1

Ha kaba khatduh, ko parabangeit jong ngi, to duwai na ka bynta jong ngi ba ka khubor jong U Trai ka lah ban nang ïai pur stet, bad ba yn ïohpdiang ïa ka lem bad ka jingpyndonburom, kumba ka la long hapdeng jong phi.

1 TIMOTHI 4:10

Ngi ïaleh tyngeh bad trei shitom, namar ngi la buh ïa ka jingkyrmen jong ngi ha U Blei uba im, uba long U Nongpynim ïa baroh bad khamtam ïa kito kiba ngeit.

2 TIMOTHI 4:5

Hynrei ma me to da sumar adkar ïa lade ha ki jingjia baroh; to ïaishah shitom, trei ïa ka kam u nongïalap jong ka Khubor Babha, bad to pyndep ïa la ka kam baroh kum u shakri jong U Blei.

PHILEMON 1:1

Na u Paul, u nongsah byndi na ka bynta U Khrist Jisu, bad na u Timothi u para jong ngi — Ha u Philemon, u paralok jong ngi bad u para ba-ïatrei lang,

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

JINGPYNPAW 2:1

“Thoh sha u angel jong ka Balang ha Ephesos: “Kane ka long ka khubor na uta uba bat ïa ki hynñiew tylli ki khlur ha ka kti kamon jong u bad uba ïaid hapdeng ki hynñiew tylli ki diengpynïeng sharak ksiar.