LOUKAS 10:16 - Khasi CL Bible (BSI)

¹⁶ U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

KA BAIBL

¹⁶ “Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

LOUKAS 10:16 ပူးပေါင်းရင်းမြစ်များ

EKSODOS 16:7

Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

JINGKHEIÑ 14:2

Ki la khñium pyrshah ïa u Moses bad u Aaron, bad ki ong, “Kan jin da la kham bha ban ïap ha Ijipt lane wat hangne ha ka ri khlaw!

JINGKHEIÑ 16:11

Haba phi ujor pyrshah ïa u Aaron, ka mut shisha pyrshah ïa U Trai ba ma phi bad ki nongbud jong phi, phi ïaleh pyrshah.”

MATHAÏOS 10:40

“Uno uno uba pdiang ïa phi u pdiang ïa nga, bad uno uno uba pdiang ïa nga, u pdiang ïa uta uba la phah ïa nga.

MATHAÏOS 18:5

Bad uno uno uba pdiang sngewbha ha ka kyrteng jong nga ïa uwei uba kum une u khynnah, u pdiang ïa nga.

MARKOS 9:37

“Uno uno uba pdiang sngewbha ha ka kyrteng jong nga ïa uwei na kine ki khynnah rit, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ym tang ïa nga hynrei ïa uta ruh uba la phah ïa nga.”

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

ÏOANNIS 12:44

U Jisu u la ong ha ka sur kaba jam, “Uno uno uba ngeit ha nga u ngeit ym tang ha nga hynrei ruh ha uta uba la phah ïa nga.

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

ÏOANNIS 13:20

Nga ïathuh ha phi ïa ka jingshisha, uno uno uba pdiang ïa uno uno uba nga phah, u pdiang ïa nga ruh; bad uno uno uba pdiang ïa nga, u pdiang ïa uta uba la phah ïa nga.”

KI KAM 5:4

Ha shuwa ba men die ïa ka jaka, ka dei ka jong me; bad hadien ba me la die ïa ka, ka pisa ka la long ka jong me. Balei, te, ba me la kut jingmut ban leh ïa kane? Mem shym la shukor ïa ki briew — me la shukor ïa U Blei!”

GALATIA 4:14

Hynrei wat la ka jinglong ka met jong nga ka la long ka jingtynjuh bakhraw ïa phi, phim shym la ibeiñ ne kyntait ïa nga. Pynban phi la pdiang ïa nga kumba phi pdiang ïa u angel na bneng; phi la pdiang ïa nga kumba phi pdiang ïa U Khrist Jisu hi.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.