LOUKAS 1:8 - Khasi CL Bible (BSI)

⁸ Ha kawei ka sngi, u Sekharaïah u dang pyndep ïa ka kam kum u lyngdoh ha ka Templ, da kaba shim ïa la ka bynta ha ka jingshakri ba man ka sngi.

KA BAIBL

⁸ Ka la jia te, haba u dang leh ïa ka kam lyngdoh ha khmat U Blei, ha kaba ter ter ka jingkylliang sngi jong u,

LOUKAS 1:8 ပူးပေါင်းရင်းမြစ်များ

1 KHRONIKL 24:19

Ïa kine ki rangbah la buh jingthoh kat kum ki kam jong ki ban leit rung sha ka Templ bad leh ïa ki kamram ba la buh rukom da u Aaron u kpa tymmen jong ki ha kaba kohnguh ïa ki hukum jong U Trai U Blei jong ki Israel.

1 KHRONIKL 24:2

U Nadab bad u Abihu ki ïap shuwa ïa u kpa jong ki, bad kim don khun don ksiew, kumta ki para shynrang jong ki, u Eleasar bad u Ithamar, ki long ki lyngdoh.

2 KHRONIKL 11:14

Ki Lebi ki iehnoh ïa ki jaka pynbam phlang bad kiwei ki jaka bad ki kynriah sha Judah bad Jerusalem, namar u Jeroboam u syiem ka Israel bad kiba hiarpateng na u kim shah ïa ki ban shakri kum ki lyngdoh jong U Trai.

2 KHRONIKL 31:19

Napdeng ki lyngdoh kiba shong ha ki nongbah ba la pynkhamti ha ki khun ki ksiew u Aaron, lane ha ki jaka phlang kiba dei jong kine ki nongbah, la don ki rangbah ba kitkhia ban sam ïa ka jingbam sha ki shynrang baroh ha ka longïing ki lyngdoh bad sha uwei pa uwei uba don kyrteng ha ka kur ki Lebi.

2 KHRONIKL 31:2

U syiem Hesekaïah u pynskhem biang ïa ka kynhun ki lyngdoh bad ki Lebi, hapoh jong kata uwei pa uwei u don la ka jong ka jong ka kamram. Kine ki kynthup ïa ki jingainguh thang bad ki jingainguh ïasyllok, kaba shim bynta ha ka jingmane ha ka templ, bad kaba ai ïa ka jingïaroh bad jingainguh ha ki bynta bapher jong ka Templ.

2 KHRONIKL 8:14

Da kaba bud ïa ki rukom ba la buh da u Dabid u kpa jong u, u buh ryntih ïa ka kam shakri kaba man ka sngi jong ki lyngdoh bad ki Lebi kiba ïarap ïa ki lyngdoh ha ki jingrwai ïaroh bad haba pyndep ïa ki kam jong ki. U buh ryntih ruh ïa ki nongap jingkhang ka Templ da ki kynhun ha kawei pa kawei ka khyrdop, ban pyndep ïa ki kam jong ki kiba man la ka sngi kat kum ki hukum u Dabid, u briew jong U Blei.

ESRA 6:18

Ki la buh ryntih ruh ïa ki lyngdoh bad ki Lebi na ka bynta ka jingshakri ha ka Templ ha Jerusalem, kat kum ki jingbthah bad don ha ka kitab u Moses.

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 28:41

Pynphong ïa kine ki jaiñ ha u Aaron u hynmen jong me bad ha ki khun shynrang jong u. Nangta pynkupbor ïa ki bad pynkyntang da kaba pynsleh ïa ki da ka umphniang Olib, khnang ba ki lah ban shakri ïa nga kum ki lyngdoh.

EKSODOS 29:1

“Kane ka long kaba me dei ban leh ïa u Aaron bad ki khun shynrang jong u ban pynkyntang ïa ki kum ki lyngdoh ki ban shakri ïa nga. Shim uwei u masi lyngraw bad ar tylli ki langbrot shynrang ki bym don jingduna.

EKSODOS 29:44

Ngan pynlong khuid ïa ka Ïingjaiñ bad ïa kata ka duwan, bad ngan pynkyrpang ïa u Aaron bad ïa ki khun shynrang jong u ba kin shakri ïa nga kum ki lyngdoh.

EKSODOS 29:9

Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

EKSODOS 30:30

Nangta, pynsleh ïa u Aaron bad ïa ki khun shynrang jong u, bad pynkyntang ïa ki kum ki lyngdoh ha ka jingshakri ïa nga.

JINGKHEIÑ 18:7

Hynrei tang ma me bad ki khun shynrang jong me phin pyndep ïa ka jingkitkhlieh ka jinglong lyngdoh kaba ïadei bad ka duwan bad kaei kaba don ha ka Jaka kaba Kyntang Tam. Kine kiei kiei ki long ki jingkitkhlieh jong me, naba nga la ai ha me ïa ka kam lyngdoh kum ka jingai sngewbha. Uno uno uwei pat u briew u bym bit bym biang uba wan hajan kita ki tiar kiba kyntang un shah pynïap.”

LOUKAS 1:5

Ha ka por mynba U Herod u long u syiem ka Judia, la don u lyngdoh uba kyrteng u Sekharaïah, uba dei na ka pateng lyngdoh jong u Abijah. Ka kyrteng jong ka tnga jong u, ka long ka Elisabeth; ma ka ruh ka la long na ka longïing lyngdoh.

LOUKAS 1:7

Kim don khun namar ba ka Elisabeth kam shym lah ban ïoh wat iwei ruh, bad ma ka lem bad u Sekharaïah ki la tymmen bha.