LOUKAS 1:79 - Khasi CL Bible (BSI)

⁷⁹ bad ban tyngshaiñ na bneng halor kito baroh kiba im ha ka syrngiew ba-dum jong ka jingïap, ban ïalam ïa ki sien jam jong ngi ha ka lynti jong ka jingsuk.”

KA BAIBL

⁷⁹ ban pynshai ïa kita kiba shong ha ka ba-dum bad ha ka syrngiew ka jingïap, ïa ka ban ïalam beit ïa ki kjat jong ngi sha ka lynti ka jingsuk.”

LOUKAS 1:79 ပူးပေါင်းရင်းမြစ်များ

Ka Kitab U Job 10:22

Ka ri ka jingdum, ki syrngiew bad jingkulmar, ha kaba ka jingshai hi ka long ka jingdum.

Ka Kitab U Job 3:5

Pynlong ïa ka, ka sngi jong ka jingdum tliw bad synñia; kah ïa ka da ki lyoh, bad tap noh ïa ka sngi.

SALM 107:10

Katto katne ki la im ha ka jingshaïong bad ka jingdum, ki koidi kiba shahshitom ha ki kynjri,

SALM 107:14

U wallam ïa ki na ka jingshaïong bad ka jingdum jong ki bad bthat lyngkhot lyngkhai ïa ki kynjri jong ki.

SALM 23:4

Wat la nga ïaid lyngba ïa ka jingdum tliw tliw, ngan ym sheptieng, A Trai, namar me don bad nga. U diengduh bad u shanduh aplangbrot jong me ki ïada ïa nga.

SALM 25:12

Kito kiba ai burom ïa U Trai kin ïoh jinghikai na u ïa ka lynti kaba ki dei ban bud.

SALM 44:19

Pynban me la iehnoh khlem jingïarap ïa ngi hapdeng ki mradkhlaw; me la iehnoh ïa ngi hapdeng ka jingdum tliw tliw.

PROBERB 3:17

Ka jingstad kan pynsngewtynnat ïa ka jingim jong phi bad ka ai jingsuk lynter ïa phi.

PROBERB 8:20

Nga ïaid ha ka lynti ka hok, nga bud ïa ki lynti ka jinglehhok,

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

ISAÏAH 42:7

Phin pynpeit ïa ki khmat jong kiba matlah bad pyllaitluid ïa kito kiba shong ha ki ïingbyndi ba-dum.

ISAÏAH 48:17

U Blei Bakhuid jong ki Israel, U Trai uba pynim ïa phi, u ong: “Nga long U Trai U Blei jong phi, uta uba kwah ban hikai ïa phi na ka bynta ka jingbha jong phi hi bad uba kdew ïa phi ïa ka lynti ba phi dei ban leit.

ISAÏAH 48:22

“Ym don jingshngain ïa ki nongpop,” ong U Trai.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 49:9

Ngan ong ha kiba shah set byndi, ‘Leit ha kaba laitluid!’ bad ïa kito kiba don ha ka jingdum, ‘Wan sha ka jingshai!’ Kin long kum ki langbrot kiba bam phlang halor ki lumrit;

ISAÏAH 59:8

Bad ym don ba long shngain haba phi don hangta. Baroh kaba phi leh ka long ka bymhok. Phi bud ïa ka lynti ïaid kaba kyllaiñ, bad ym don uwei ruh uba ïaid na kata ka lynti u ban long shngain.

ISAÏAH 9:2

Ki briew kiba la ïaid ha ka jingdum ki la ïohi ïa ka jingshai kaba khraw. Ki la shong ha ka ri jong ki syrngiew, hynrei mynta ka jingshai ka la tyngshaiñ halor jong ki.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 1:9

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

ÏOANNIS 12:46

Nga la wan sha ka pyrthei kum ka jingshai, ba baroh kiba ngeit ha nga kin ym sah ha ka jingdum.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

ÏOANNIS 9:5

Katba nga dang don ha ka pyrthei, nga long ka jingshai ïa ka pyrthei.”

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

Ka Shithi U Paul Sha Ki Nong Rom 3:17

Kim shym la tip ïa ka lynti jong ka jingsuk,

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,