LOUKAS 1:76 - Khasi CL Bible (BSI)

⁷⁶ “Ïa me, ko khun jong nga, yn khot u nongïathuhlypa jong U Blei Bahakhlieh Tam Eh. Men leit ha shuwa jong U Trai ban pynkhreh ka lynti na ka bynta jong u,

KA BAIBL

⁷⁶ Me ruh, ko khun, yn khot ‘u nongïathuhlypa jong U Bahakhlieh Tam Eh’; naba men leit ha shuwa ka khmat U Trai, ban pynkhreh ïa ki lynti bah jong U;

LOUKAS 1:76 ပူးပေါင်းရင်းမြစ်များ

SALM 87:5

Ïa ka Seïon yn sa ong ba baroh ki jaitbynriew ki dei hangta bad u Badonbor Baroh un pynlong ïa ka kaba khlaiñ.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 14:5

U Herod u la kwah ban pynïap ïa u, hynrei u la sheptieng ïa ki paid Jiw, namar ki la ñiew ïa u Ïoannis kum u nongïathuhlypa.

MATHAÏOS 21:26

Hynrei lada ngi ong, ‘Na u briew,’ ngi sheptieng ïa kaei kaba ki briew ki lah ban leh, namar ki baroh ki la pdiang ba u Ïoannis u la long u nongïathuhlypa.”

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MATHAÏOS 3:3

U Ïoannis u la long uta u briew ïa uba u Isaïah u nongïathuhlypa u la kren shaphang jong u haba u la ong, “U don uwei uba pyrta ha ka ri shyiap, To pynkhreh ka lynti ïa U Trai; to pynlong ka lynti kaba beit na ka bynta jong u ban ïaid!”

MARKOS 11:32

Hynrei lada ngi ong, ‘Na u briew’ ” (Ki la sheptieng ïa u paidbah, namar baroh ki la ngeit ba u Ïoannis u la long u nongïathuhlypa.)

LOUKAS 1:32

Un long uba khraw, bad yn khot ïa u, U Khun jong U Blei Bahakhlieh Tam Eh. U Trai Uba U Blei un pynlong syiem ïa u, kumba u Dabid u kpa tymmen jong u, u la long,

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

ÏOANNIS 1:23

U Ïoannis u la jubab da kaba shim na u nongïathuhlypa Isaïah: “Nga long ‘ka sur jong uta uba pyrta ha ka ri shyiap: To pynbeit ïa ka lynti ïaid jong U Trai ba un ïaid!’ ”

ÏOANNIS 1:27

U wan hadien jong nga, hynrei nga ngam long uba bit wat ban law ïa ki ksai juti jong u.”

ÏOANNIS 3:28

Phi hi phi long ki sakhi jong nga ba nga la ong, ‘Ngam dei u Messaïah, hynrei, ïa nga la phah ha shuwa jong u.’

KI KAM 16:17

Ka la bud ïa u Paul bad ïa ngi, ka da pyrta, “Kine ki briew ki long ki shakri U Blei Bahakhlieh Tam Eh! Ki pynbna ha phi kumno ba yn pynim ïa phi!”