LOUKAS 1:73 - Khasi CL Bible (BSI)

^73-74 Da ka jingsmai kyntang ha u Abraham u kpa tymmen jong ngi u la kular ban pyllait im ïa ngi na ki nongshun jong ngi bad shah ïa ngi ban shakri ïa u khlem jingsheptieng,

KA BAIBL

⁷³ ïa ka jingsmai ïa kaba U la smai ha u Abraham u kpa jong ngi,

LOUKAS 1:73 ပူးပေါင်းရင်းမြစ်များ

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

SALM 105:9

Un bat ïa ka jingïakut ba u la pynlong bad u Abraham bad ïa ka kular bad u Isaak.

JEREMAÏAH 11:5

Nangta ngan bat ïa ka kular kaba nga la pynlong ha ki kpa tymmen jong ki ba ngan ai ha ki ka ri kaba tuid da ka dud bad ka ngap kaba ki don mynta.” Nga la ong, “Ho-oid, ko Trai.”

DEUTERONOMI 7:12

“Lada phi shahshkor ïa kine ki hukum bad kohnguh hok ïa ki, U Trai U Blei jong phi un ïai bat ïa la ka jutang bad phi bad un pynpaw ha phi ïa ka jingieit jong u kaba ïaineh, kumba u la kular ha ki kpa tymmen jong phi.

DEUTERONOMI 7:8

Hynrei ka long namar ba U Trai u ieit ïa phi bad u bat ïa la ka kular kaba u la ai ha ki kpa tymmen jong phi, bad namar kata u la ïalam noh ïa phi da ka borbah jong u bad u la pyllait na ka jinglongmraw ïa phi na u Pharaoh u syiem ka Ijipt.

HEBRU 6:13

Haba U Blei u la pynlong ka jingkular ha u Abraham, u la smai ban leh ïa kaei kaba u la kular. Namar ym don uwei ruh u ban kham khraw ban ïa u, u la pyndonkam ïa la ka jong ka kyrteng haba u la pynlong ïa la ka jingsmai.