LOUKAS 1:72 - Khasi CL Bible (BSI)

⁷² U la ong ba un pyn-i jingisynei ïa ki kpa tymmen jong ngi bad kynmaw ïa ka jutang bakyntang jong u.

KA BAIBL

⁷² ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;

LOUKAS 1:72 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

1 KHRONIKL 16:16

ka jutang kaba u la pynlong bad u Abraham, ka jingkular kaba u la pynlong bad u Isaak.

SALM 105:42

U la kynmaw ïa ka jingkular bakyntang jong u ïa u Abraham u shakri jong u.

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 111:5

U pynbiang jingbam ïa kito kiba pyndonburom ïa u; um ju klet ïa ka jutang jong u.

SALM 98:3

U bat ïa la ka kular ha ki paid Israel da ka jingïaineh bad jingieit baneh ïa ki. Ki briew baroh kiba don sawdong ki la ïohi ïa ka jingjop U Blei jong ngi.

ESEKIEL 16:60

Hynrei ngan pyndonburom ïa ka jutang kaba nga la pynlong bad pha mynba pha dang samla, bad ngan pynlong ka jutang bad pha ka ban neh junom.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

LEBITIKOS 26:42

ngan sa kynmaw ïa la ka jutang ba nga la pynlong bad u Jakob bad u Isaak bad u Abraham, bad ngan sa pynthymmai ïa la ka kular ban ai ïa kata ka ri ha ki briew jong nga.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

Ka Shithi U Paul Sha Ki Nong Rom 11:28

Namar ba ki kyntait ïa ka Khubor Babha, ki Jiw ki long ki nongshun jong U Blei na ka bynta jong phi ki Jentil. Hynrei namar ka jingjied U Blei, ki long ki paralok jong u namar ki kpa tymmen jong ki.

Ka Shithi U Paul Sha Ki Nong Rom 9:4

Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;