LOUKAS 1:69 - Khasi CL Bible (BSI)

⁶⁹ U la ai ha ngi ïa U Nongpynim bakhrawbor, uba hiarpateng na u Dabid u shakri jong u.

KA BAIBL

⁶⁹ bad U la pynmih ïa ka reng ka jingpynim ïa ngi, ha ka ïing u Dabid u shakri jong U;

LOUKAS 1:69 ပူးပေါင်းရင်းမြစ်များ

2 SAMUEL 22:3

U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

2 SAMUEL 7:26

Ka nam jong me kan long kaba khraw, bad ki briew kin ong junom, ‘U Trai Nongsynshar u long U Blei halor ki Israel.’ Bad men pynneh ïa ka longïing syiem jong nga ha ki por baroh.

1 SYIEM 11:13

Bad ngan ym shim na u ïa ka hima baroh kawei, pynban ngan ai ha u ïa kawei ka jait na ka bynta u Dabid u shakri jong nga bad na ka bynta ka Jerusalem, ka nongbah ïa kaba nga la pynlong ka jong nga.”

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 89:17

Me ai ki jingjop bakhraw ïa ngi; ha ka jingieit jong me, me pynlong ïa ngi ban leh risa.

SALM 89:3

Me la ong, “Nga la pynlong ka jutang bad u briew uba nga la jied, nga la kular ha u Dabid u shakri jong nga,

JEREMAÏAH 30:9

Pynban, kin shakri ïa nga, U Trai U Blei jong ki, bad ïa uba hiarpateng na u Dabid, uba ngan pynshong ha ka khet kum u syiem.

ESEKIEL 29:21

“Haba kata kan jia, ngan pynlong ïa ki paid Israel kiba khlaiñ bad ngan shah ïa me, ko Esekiel, ban kren ha kaba baroh kin ïohsngew ïa me, khnang ba kin tip ba nga long U Trai.”

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

MATHAÏOS 1:1

Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

MARKOS 11:10

U Blei u kyrkhu ïa ka jingwan ka hima jong u syiem Dabid, u kpa jong ngi! Ïaroh ïa U Blei!”

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

1 SAMUEL 2:1

Ka Hannah ka la duwai: “U Trai u la pyndap ïa ka dohnud jong nga da ka jingkmen; katno nga sngewtynnat namar kaei kaba u la leh! Nga rkhie ïa ki nongshun jong nga; katno nga shadkmen namar ba U Blei u la ïarap ïa nga.

1 SAMUEL 2:10

Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”