LOUKAS 1:66 - Khasi CL Bible (BSI)

⁶⁶ Uwei uwei baroh uba la ïohsngew ïa kata, u la pyrkhat shaphang kata bad u la kylli, “Aïu une u khunlung un long?” Naba ka la long kaba shai ba ka bor jong U Trai ka la don halor jong u.

KA BAIBL

⁶⁶ Baroh ruh kiba la ïohsngew ki la buh khop ïa ki ha ki dohnud jong ki, ki da ong, “Une u khunlung shisha u ban long kumno?” Te ka kti U Trai ka la don lem bad u.

LOUKAS 1:66 ပူးပေါင်းရင်းမြစ်များ

JENESIS 37:11

Ki hynmen u Joseph te ki la bishni ïa u, hynrei u kpa jong u, u ïai puson shaphang kata baroh.

JENESIS 39:2

U Trai u la don ryngkat lem bad u Joseph bad u la pynmanbha ïa u.

1 SYIEM 18:46

Ka bor jong U Trai ka la wan ha u Elijah; u la pynskhem ïa la ki jaiñ sawdong ka syngkai jong u bad u mareh ha shuwa u Ahab haduh ban da poi ha Jesreel.

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 80:17

To sumar bad to ïada ïa ki briew kiba me la jied, ka jaitbynriew kaba me la pynlong kaba khlaiñ bha.

SALM 89:21

Ka jingkhlaiñ jong nga kan ïai don sah bad u, ka bor jong nga kan pynkhlaiñ ïa u.

LOUKAS 1:80

U khynnah u la nang san bad nang khraw ha ka met bad ka mynsiem. U la shong la sah ha ka ri shyiap tad haduh ka sngi ba u la paw paidbah ha ki paid Israel.

LOUKAS 2:19

Ka Mari ka la kynmaw ïa kine kiei kiei baroh bad ka la pyrkhat jylliew shaphang kita.

LOUKAS 2:40

U khynnah u la san bad u la nang khlaiñ; u la dap da ka jingstad, bad ki jingkyrkhu U Blei ki la long halor jong u.

LOUKAS 2:51

Kumta U Jisu u la leit phai pat bad ki sha Nasareth, ha kaba u la kohnguh ïa ki. Ka kmie jong u ka la kynshew ïa kine kiei kiei baroh hapoh la ka dohnud.

LOUKAS 9:44

“Wat klet ïa kaei kaba ngan ïathuh ha phi! Yn sa aiti noh ïa U Khun U Briew ha ka bor jong ki briew.”

KI KAM 11:21

Ka bor jong U Trai ka la long lem bad ki, bad kiba bun ki briew ki la ngeit bad ki la phai sha U Trai.

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.