LOUKAS 1:65 - Khasi CL Bible (BSI)

⁶⁵ La pyndap ïa ki paramarjan baroh da ka jingsheptieng, bad ka khubor shaphang kine kiei kiei ka la saphriang kylleng ka ri lum Judia.

KA BAIBL

⁶⁵ Te ka jingsheptieng ka la ngat ha baroh kiba shong sawdong ïa ki: bad ïa kine kiei kiei baroh la pynbna kylleng ka ri lum jong ka Judia baroh.

LOUKAS 1:65 ပူးပေါင်းရင်းမြစ်များ

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

LOUKAS 1:39

Shen hadien, ka Mari ka la khreh bad ka la leit bran bran sha ka shnong ha ka ri lum ha Judia.

LOUKAS 2:18

Baroh kiba la ïohsngew ïa kata, ki la sngewlyngngoh ïa kaei kaba ki nongaplangbrot ki la ong.

LOUKAS 5:26

Baroh ki la ïalyngngoh shikatdei eh! Ki la dap da ka jingsheptieng, ki la ïaroh ïa U Blei, ki da ong, “A katno kiei kiei kiba phylla ngi la ïohi ha kane ka sngi!”

LOUKAS 7:16

La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

KI KAM 19:17

Baroh ki Jiw bad ki Jentil kiba shong basah ha Ephesos ki la ïohsngew ïa kane; la pyndap ïa ki baroh da ka jingsheptieng, bad ïa ka kyrteng jong U Trai Jisu la ai ka burom kaba kham khraw.

KI KAM 2:43

Shibun ki kambah bad ki kamphylla la leh lyngba ki apostol, bad ïa uwei pa uwei baroh la pyndap da ka jingsheptieng ïa U Blei.

KI KAM 5:11

Ka balang baroh kawei bad baroh kiwei pat kiba la ïohsngew ïa kane ki la sngewshyrkhei.

KI KAM 5:5

Mar ïa ïohsngew ïa kane, u Ananias u la kyllon ïap; bad baroh kiba la ïohsngew shaphang kane, ki la sngewshyrkhei.

JOSHUA 10:40

Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

JOSHUA 10:6

Ki rangbah ka Gibeon ki la phah ktien sha u Joshua ha ka jaka sher dara ha Gilgal, ki da ong, “Kynrad, wat iehnoh ïa ngi! Wan mar mar ban ïarap ïa ngi! Pyllait im ïa ngi! Baroh ki syiem Amor ha ri lum ki la ïasoh lang kawei bad ki la wan tur ïaleh ïa ngi.”

JINGPYNPAW 11:11

Hadien lai sngi shiteng, ka jingpyrsad mynsiem ba ai jingim ka la wan na U Blei bad ka la rung ha ki, bad ki la ïeng joit; bad baroh kiba la ïohi ïa ki, ki la sngewtriem.