LOUKAS 1:6 - Khasi CL Bible (BSI)

⁶ Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

KA BAIBL

⁶ Baroh ar ngut ruh ki la long ki bahok ha khmat U Blei, ba ki da ïaid ha ki hukum bad ki niam jong U Trai baroh khlem jingrem.

LOUKAS 1:6 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 6:9

Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

JENESIS 7:1

U Trai u ong ha u Noah, “Khie leit shapoh ka lieng lem bad ka longïing longsem jong me baroh; nga la shem ba dei tang ma me marwei ha ka pyrthei baroh uba leh ïa kaba dei.

1 SYIEM 15:5

U Trai u leh ïa kane namar ba u Dabid u la leh ïa kaba pynsngewbha ïa u bad um ju lyndet ïa kano kano na ki hukum jong u, lait noh tang ha ka kam kaba ïadei bad u Uriah u nong Hit.

1 SYIEM 9:4

Lada me pat men shakri ïa nga ha ka jingkhuid dohnud bad ka jingïaid beit, kumba u Dabid u kpa jong me u la leh, bad lada me kohnguh ïa ki aiñ jong nga bad leh kat ïa kaba nga la hukum ïa me,

2 SYIEM 20:3

“To kynmaw, A Trai, ba nga la shakri ïa me ha ka hok bad jingïaineh skhem, bad nga la pyrshang borabor ban leh ïa kaei kaba me kwah ïa nga ban leh.” Bad u sdang ban ïamkthang.

2 KHRONIKL 17:4

U shakri ïa U Blei jong u kpa jong u, u kohnguh ïa ki hukum U Blei, bad um shym leh ha ka rukom ba ki syiem Israel ki la leh.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 1:8

“Me la peit bniah ïa u Job u shakri jong nga?” U Trai u kylli. “Ym don uno uno ha ka pyrthei uba ïaineh bad uba bha kat ma u. U mane ïa nga bad u kiar ban ym leh kano kano kaba sniew.”

SALM 119:6

Lada nga pynshahshkor ïa ki hukum jong me baroh, te yn ym buh ïa nga ha ka jinglehrain.

LOUKAS 1:7

Kim don khun namar ba ka Elisabeth kam shym lah ban ïoh wat iwei ruh, bad ma ka lem bad u Sekharaïah ki la tymmen bha.

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

KI KAM 2:25

Naba u Dabid u la ong shaphang jong u, “ ‘Nga la ïohi ïa U Trai ha khmat jong nga ha ki por baroh; u don hajan jong nga, bad ngan ym don ha ka jingjynjar.

KI KAM 23:1

U Paul u la peit shlip sha ka Dorbar bad u la ong, “Ko ki para nong Israel jong nga! Ka jingïatiplem jong nga ka sngur shaphang ka rukom ha kaba nga la im ha khmat U Blei haduh kane ka sngi.”

KI KAM 24:16

Bad kumta nga ïaleh katba lah ban ïoh ka jingïatiplem kaba khuid kdar ha khmat jong U Blei bad ki briew.

KI KAM 8:21

Mem don bynta lane ïoh bynta ha ka kam jong ngi, namar ka dohnud jong me kam long kaba beit ha khmat U Blei.

Ka Shithi U Paul Sha Ki Nong Rom 8:4

U Blei u la leh ïa kane khnang ba ïa ki jingdawa bahok jong ka Hukum yn pyndep nadong shadong ha ngi kiba im kat kum U Mynsiem, bad ym kat kum ka jinglong ba kynja doh.

1 KORINTH 11:2

Nga ïaroh ïa phi namar ba phi kynmaw ïa nga borabor bad bud ïa ki jinghikai kiba nga la ai ha phi.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

DEUTERONOMI 5:33

Kohnguh ïa ki baroh, khnang ba phin manbha, bad ba phin im slem ha kata ka ri kaba phin sa ïohkynti.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

KOLOSSAI 1:22

Hynrei mynta, da ka jingïap jong U Khun jong u ha kane ka doh, U Blei u la pynlong ïa phi ki paralok jong u, khnang ban pynïeng ïa phi, kiba khuid, kiba sngur, bad kiba khlem jingduna ha khmat jong u.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.

1 ÏOANNIS 3:7

To wat ai ba uno uno un shukor ïa phi, ko ki khun jong nga! Uno uno uba leh ïa kaei kaba dei, u long uba hok, kumba U Khrist u long uba hok.