LOUKAS 1:48 - Khasi CL Bible (BSI)

⁴⁸ naba u la kynmaw ïa nga, ka shakri barit jong u! Naduh mynta ki briew baroh kin khot ïa nga, kaba kmen,

KA BAIBL

⁴⁸ naba U la khmih ha ka jinglong rangli ka shakri jong U: naba, ha khmih, naduh mynta ki pateng bynriew baroh kin khot ‘kaba suk’ ïa nga.

LOUKAS 1:48 ပူးပေါင်းရင်းမြစ်များ

JENESIS 30:13

bad ka Leah ka ong, “Katno nga long kaba kmen! Mynta ki kynthei kin khot ïa nga kaba kmen”; kumta ka la khot kyrteng ïa u, u Asher.

2 SAMUEL 7:8

“Kumta ïathuh ha u shakri jong nga u Dabid ba nga U Trai Badonbor Baroh nga ong ha u, ‘Nga la shim ïa me na kaba sharai ïa ki langbrot ha ki pyntha phlang, bad nga la thung ïa me u nongsynshar ïa ki briew jong nga ki Israel.

SALM 102:17

Un sngew ïa ki briew jong u ïa kiba la iehnoh bad un shahshkor ïa ka jingduwai jong ki.

SALM 136:23

Um shym la klet ïa ngi mynba ngi la shahjop; ka jingieit jong u ka neh bymjukut;

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

MALAKHI 3:12

Te ki briew jong ki hima baroh kin khot ïa phi kiba suk, namar ka ri jong phi kan long ka jaka kaba bha ban shong ban sah.

LOUKAS 1:28

U angel u la wan sha ka bad u la ong, “To ka jingsuk kan long lem bad pha! U Trai u long ryngkat bad pha bad u la kyrkhu eh ïa pha!”

LOUKAS 1:42

bad ka la ong ha ka sur kaba jam, “Pha long ka kynthei kaba la kyrkhu na baroh ki kynthei, bad long ba la kyrkhu ita i khunlung iba phan sa kha!

LOUKAS 1:45

A katno pha long kaba kmen ban ngeit ba ka khubor jong U Trai ha pha kan urlong shisha!”

LOUKAS 1:49

namar jong kiei kiei kiba khraw kiba U Blei Badonbor Baroh u la leh na ka bynta jong nga. Ka kyrteng jong u ka long kaba khuid;

LOUKAS 11:27

Haba U Jisu u la lah ong ïa kane, ka kynthei ka la kren na u paidbah bad ka la ong ha u, “A katno kaba kmen long ka briew kaba la kha bad kaba la bsa la pjiah ïa me!”

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.