LOUKAS 1:41 - Khasi CL Bible (BSI)

⁴¹ Haba ka Elisabeth ka la ïohsngew ïa ka jingkhublei jong ka Mari, i khunlung i la khih hapoh jong ka. La pyndap ïa ka Elisabeth da U Mynsiem Bakhuid

KA BAIBL

⁴¹ Ka la jia ruh, katba ka Elisabet ka la ïohsngew ïa ka jingkhublei jong ka Mari, la khih i khun ha ka kpoh jong ka; bad la pyndap ïa ka Elisabet da U Mynsiem Bakhuid.

LOUKAS 1:41 ပူးပေါင်းရင်းမြစ်များ

JENESIS 25:22

Ka la dei ban ïoh khun synrap, bad ha shuwa ba yn kha ïa ki, ki ïakhih ïaksaid para ma ki ha ka kpoh jong ka. Ka ong, “Balei kaba kum kane ka wan jia ha nga?” Kumta ka la leit kylli na U Trai ban ïoh jubab.

SALM 22:10

Nga la shaniah ha me naduh ka sngi ba kha ïa nga, bad me la ju ïailong U Blei jong nga.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 1:40

Ka la leit sha ka ïing jong u Sekharaïah bad ka la khublei ïa ka Elisabeth.

LOUKAS 1:42

bad ka la ong ha ka sur kaba jam, “Pha long ka kynthei kaba la kyrkhu na baroh ki kynthei, bad long ba la kyrkhu ita i khunlung iba phan sa kha!

LOUKAS 1:44

Naba tang mar ïa ïohsngew ïa ka jingkhublei jong pha, i khunlung hapoh jong nga i la kynthih da ka jingkmen.

LOUKAS 1:67

Ïa U Sekharaïah, u kpa jong u Ïoannis la pyndap da U Mynsiem Bakhuid, bad u la kren ïa ka khubor jong U Blei:

LOUKAS 4:1

U Jisu u la wan phai na ka wah Jordan uba la dap da U Mynsiem Bakhuid bad la ïalam ïa u da U Mynsiem sha ka ri shyiap,

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

KI KAM 4:8

U Petros, uba la dap da U Mynsiem Bakhuid, u la jubab ïa ki, “Ko nongïalam jong ki paidbah bad ko ki tymmen ki san:

KI KAM 6:3

Kumta te, ko hynmen ko para, to jied hynñiew ngut ki rangbah napdeng jong phi ïa kiba la ithuh ba ki long kiba dap da U Mynsiem Bakhuid bad ka jingstad, bad ngin buh ïa ki ban khmih ïa kane ka kam.

KI KAM 7:55

Hynrei u Stephan, uba dap da U Mynsiem Bakhuid, u la khmied sha bneng bad u la ïohi ïa ka burom jong U Blei bad ïa U Jisu uba ïeng sha ka liang kamon jong U Blei.

KI KAM 9:17

Kumta u Ananias u la leit, u la rung shapoh ka ïing ha kaba u Saul u don, bad u la buh ïa la ki kti halor jong u. “Ko Saul, u para jong nga,” u la ong, “U Trai u la phah ïa nga — U Jisu hi, uba la mihpaw ha me ha ka lynti katba me dang wan shane. U la phah ïa nga khnang ba men ïoh imat pat bad ban pyndap ïa me da U Mynsiem Bakhuid.”

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.