LOUKAS 1:2 - Khasi CL Bible (BSI)

² Ki la thoh ïa kaei kaba la ïathuh ha ngi da kito kiba la ïohi ïa kine kiei kiei baroh naduh kaba sdang bad kiba la pynbna ïa ka khubor.

KA BAIBL

² kat kumba ki la ai pateng ha ngi, kiba long hi ki nongïohi naduh kaba mynnyngkong bad ki nongïalap jong kata ka ktien:

LOUKAS 1:2 ပူးပေါင်းရင်းမြစ်များ

MARKOS 1:1

Kane ka dei ka Khubor Babha shaphang U Jisu Khrist, U Khun U Blei.

MARKOS 16:20

Ki synran ki la leit bad ïalap kylleng, bad U Trai u la trei lem bad pynshisha ba ka jingïalap jong ki ka la long kaba shisha da ki kambah kiba ki la leh.]

MARKOS 4:14

U nongbet u bet ïa ka khubor U Blei.

LOUKAS 24:48

Phi long ki sakhi ïa kine kiei kiei.

ÏOANNIS 15:27

Bad ma phi, ruh, phin kren shaphang jong nga, namar ba phi la don lem bad nga naduh kaba sdang.

ÏOANNIS 16:4

Hynrei nga la ïathuh ha phi ïa kane, ba haba ka por ka poi ïa ki ban leh ïa kine kiei kiei, phin sa kynmaw ba nga la ïathuh ïa phi. “Ngam shym la ïathuh ha phi ïa kine kiei kiei ha kaba mynnyngkong, naba nga la don lem bad phi.

KI KAM 1:3

Ha ki sawphew sngi hadien ka jingïap jong u, u la mihpaw bunsien ha ki ha ki rukom kiba la pynshisha khlem jingartatien ba u im. Ki la ïohi ïa u bad u la ïakren bad ki shaphang ka Hima U Blei.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 14:25

Hangta ki la ïalap ïa ka khubor ha Perga bad nangta ki la leit sha Attalia,

KI KAM 16:6

Ki la leit lyngba ki thain ka Phrygia bad Galatia namar U Mynsiem Bakhuid um shym la shah ïa ki ban ïalap ïa ka khubor ha ka probins jong ka Asia.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

KI KAM 26:16

Hynrei khie joit bad ïeng. Nga la paw ha me ban thung ïa me kum u shakri jong nga. Me dei ban ïathuh ïa kiwei pat ïa kaba me la ïohi ïa nga ha kane ka sngi, bad ïa kaei kaba ngan pyn-i ha me ha ka ban sa wan.

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

KI KAM 8:4

Kita ki riewngeit ïa kiba la pynsakma ki la leit kylleng, ki da ïalap ïa ka khubor.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

1 KORINTH 4:1

Phi dei ban pyrkhat ïa ngi kum ki shakri U Khrist, ïa kiba la buh ban sumar ïa ki jingshisha barieh jong U Blei.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

2 PETROS 1:16

Ngim shym la shaniah ha ki jingïathuhkhana ba shu thaw ha kaba ïathuh ha phi ïa ka jingwan ha ka bor jong U Jisu Khrist uba U Trai jong ngi. Da la ki khmat jong ngi hi ngi la ïohi ïa ka jingkhraw jong u.