LOUKAS 1:15 - Khasi CL Bible (BSI)

¹⁵ Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

KA BAIBL

¹⁵ naba un long uba khraw ha khmat U Trai, bad un ym dih ïa ka Waiñ lane ka kyiad; bad yn pyndap ïa u da U Mynsiem Bakhuid, wat naduh ka kpoh ka kmie jong u:

LOUKAS 1:15 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 48:19

Hynrei u kpa jong u, u kyrngah, bad u ong, “Nga tip, khun; nga tip. Ki khun ki ksiew jong u Manasseh ruh kin sa kylla long ka jaitbynriew kaba khraw. Hynrei u para jong u un kham khraw ban ïa u, bad ki khun ki ksiew jong u kin kylla long ki jaitbynriew kiba khraw.”

1 KHRONIKL 17:8

Nga la long ryngkat bad me shano shano ba me leit, bad nga la jop ïa baroh ki nongshun jong me katba me ïaid shaphrang. Ngan pynlong ïa me uba pawnam kum ki nongïalam bakhraw tam ka pyrthei.

1 KHRONIKL 29:12

Ka spah baroh ka wan na me; me synshar halor kiei kiei baroh da ka jingkhlaiñ bad ka bor jong me, bad me lah ban pynlong ïano ïano uba khraw bad uba khlaiñ.

SALM 22:9

Dei ma me uba la pyllait ïa nga na ka jingmynsaw ha ka por ba kha ïa nga, bad mynba nga dang long u khunlung, me sumar bha ïa nga.

JEREMAÏAH 1:5

“Nga la jied ïa me ha shuwa ba nga ai jingim ïa me, bad ha shuwa ba yn kha ïa me, nga la jied ïa me ban long u nongïathuhlypa sha ki jaitbynriew.”

JEREMAÏAH 35:6

Hynrei ki la jubab, “Ngim ju dih waiñ. U kpa tymmen jong ngi u Jonadab u khun jong u Rekhab u la ong ïa ngi ba ma ngi lymne ki khun ki ksiew jong ngi ngim dei ban dih ïa kano kano ka waiñ.

LEBITIKOS 10:9

“Ma me bad ki khun shynrang jong me phim dei ban rung shapoh ka Ïingjaiñ ka Jingdon Ryngkat jong nga hadien ba phi la dih waiñ lane dih kyiad; lada phi leh kumta phin ïap. Kane ka long ka aiñ kaba dei ban bud da ki khun ki ksiew jong me pateng la pateng.

SEKHARAÏAH 9:15

U Trai Badonbor Baroh un ïada ïa ki briew jong u, bad kin pynjot ïa ki nongshun jong ki. Kin pyrta ha ka thma kum ki rangbah ba la buaid bad kin pynmih ïa ka snam jong ki nongshun jong ki; kan tuid kum ka snam jong ka jingkñia ba la theh halor ka duwan na ka jingdiang.

LOUKAS 1:14

A katno men long uba shadkmen bad uba kmen, bad katno kiwei ruh kin kmen haba yn kha ïa u!

LOUKAS 7:28

Nga ong ha phi,” U Jisu u la bynrap, “U Ïoannis u kham khraw ban ïa uno uno u briew uba la ju im. Hynrei uta uba rit tam ha ka Hima U Blei u long uba kham khraw ban ïa u Ïoannis.”

LOUKAS 7:33

U Ïoannis u Nongpynbaptis u la wan, bad u la shahjingit bad um dih waiñ, bad phi ong, ‘U don u ksuid hapoh jong u!’

ÏOANNIS 5:35

U Ïoannis u la long kum ka sharak, kaba meh bad kaba tyngshaiñ, bad phi la mon shipor ban lehkmen ha ka jingshai jong u.

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

GALATIA 1:15

Hynrei U Blei ha ka jingaiei jong u, u la jied ïa nga wat shuwa ban kha ïa nga, bad u la khot ïa nga ban shakri ïa u.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

JOSHUA 3:7

U Trai u ong ha u Joshua, “Kaei kaba nga leh mynta ka sngi kan pynlong ïa ki paid Israel baroh ban sdang ban burom ïa me kum u riewkhraw, bad kin ïoh tip ba nga long lem ryngkat bad me kumba nga la long bad u Moses.

JOSHUA 4:14

Kaei kaba U Trai u la leh ha kata ka sngi, ka la pynlong ïa ki paid Israel ban ñiew ïa u Joshua u riewkhraw. Ki burom ïa u shi lynter ka jingim jong u, kumba ki la burom ïa u Moses.