LEBITIKOS 8:8 - Khasi CL Bible (BSI)

⁸ U pyndeng ha u ïa ka jingdeng shadem, bad u buh ha ka ïa u Urim bad u Thummim.

KA BAIBL

⁸ Bad u la pyndeng ha u ïa ka jingdeng shadem: bad u la buh ruh ïa ki Urim bad ki Thummim hapoh kata ka jingda shadem.

LEBITIKOS 8:8 ပူးပေါင်းရင်းမြစ်များ

ESRA 2:63

U lat uba dei u Jiw u ong ïa ki ba kim lah ban bam ïa ki jingbam ba la kñia ha U Blei haduh ban da don u lyngdoh uba lah ban pyndonkam ïa u Urim bad u Thummim.

NEHEMAÏAH 7:65

U lat uba dei u Jiw u ong ïa ki ba kim lah ban bam ïa ki jingbam ba la kñia ha U Blei haduh ban da don u lyngdoh uba lah ban pyndonkam ïa u Urim bad u Thummim.

EKSODOS 29:1

“Kane ka long kaba me dei ban leh ïa u Aaron bad ki khun shynrang jong u ban pynkyntang ïa ki kum ki lyngdoh ki ban shakri ïa nga. Shim uwei u masi lyngraw bad ar tylli ki langbrot shynrang ki bym don jingduna.

JINGRWAI SOLOMON 8:6

Khang ïa ka dohnud jong phi sha kano kano ka jingieit lait noh ka jong nga; wat bat ïano ïano ha ki kti jong phi lait na nga. Ka jingieit ka long kaba khlaiñbor kum ka jingïap; ka jingkwah kaba khlaiñ kum ka jingïap hi. Ka bthei ban kem ding bad ka ing kum ka ding baklang.

ISAÏAH 59:17

Un kup ïa ka hok kum ka jingïada shadem, bad ïa ka bor bapynim kum ka jingda khlieh. U kup ïa lade da ka jingangnud kaba khraw ban buh ryntih ïa kiei kiei bad ban pynshitom bad pynhiarkput ïa ki jingsniew kiba ki briew ki leh.

JINGKHEIÑ 27:21

Un hap shaniah ha u Eleasar u lyngdoh, ban wad ïa ka mon jong nga da kaba pyndonkam ïa u Urim bad u Thummim. Da kumne u Eleasar un kdew ïa u Joshua bad u paid Israel ha ki kam jong ki baroh.”

EPHESOS 6:14

Kumta to ïeng ba la pynkhreh, da ka jingshisha kum u panpoh ba la pyndait ha ka syngkai jong phi, da ka hok kum ka jingda shadem jong phi,

DEUTERONOMI 33:8

Shaphang ka jait Lebi u ong, “Ko Trai, to pynpaw ïa la ka mon da u Urim bad u Thummim Lyngba ki Lebi, ki shakri kiba ïaineh jong me. Me la tynjuh ïa ki ha Massah, Bad me la phrang ïa ki ha ki um ka Meribah.

1 THESSALONI 5:8

Hynrei ngi dei ki jong ka sngi, bad ngi dei ban pyngngad. Ngi dei ban kup ïa ka jingngeit bad ïa ka jingieit kum ka jingda shadem, bad ka jingkyrmen jong ngi ïa ka jingpynim kum ka jingda khlieh.

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.

1 SAMUEL 28:6

bad kumta u la kylli ïa U Trai kaei ba un leh. Hynrei U Trai um shym jubab ei ei ïa u, la ha ki jingphohsniew, lane da u Urim bad u Thummim, lane da ki nongïathuhlypa.