LEBITIKOS 8:4 - Khasi CL Bible (BSI)

⁴ U Moses u leh kumba U Trai u la hukum, bad haba ki paidbah ki la ïalumlang,

KA BAIBL

⁴ Bad u Moses u la leh kumba U Trai u la hukum ïa u; bad u paidlang u la ïaseng lang ha ka jingkhang Ka Tabernakl ka jingïaseng.

LEBITIKOS 8:4 ပူးပေါင်းရင်းမြစ်များ

EKSODOS 39:1

Da u 'saiwul uba jngum, uba sawbthuh, bad uba rong saw, ki suh ïa ki jaiñphong kiba ishongkun ba ki lyngdoh ki dei ban kup haba ki shakri ha ka Jaka Kaba Kyntang. Ki suh ïa kine ki jaiñphong lyngdoh na ka bynta u Aaron kumba U Trai u la hukum ïa u Moses.

EKSODOS 39:21

Ki teh ïa kita ki kyrwoh jong ka jingdeng shadem ha ki kyrwoh jong ka ephod da u ksai uba jngum, khnang ba kata ka jingdeng shadem kan neh halor kata ka jingpanpoh, bad ba kan ym lait na ka ephod, kumba U Trai u la hukum ïa u Moses.

EKSODOS 39:29

bad ki jingpanpoh da ka linen bani bad da u 'saiwul uba jngum, uba sawbthuh, bad uba rong saw, ba la pynpur itynnat bha, kumba U Trai u la hukum ïa u Moses.

EKSODOS 39:5

Ïa u panpoh ba la thain itynnat bha da kijuh ki tiar la pyndait lang ha ka ephod kumba U Trai U la hukum ïa u Moses.

EKSODOS 39:7

Ki pyndait ïa ki ha ki tyllai tawah tyrpeng jong ka ephod ba kin ïeng na ka bynta ki khat-ar jait Israel, kumba U Trai u la hukum ïa u Moses.

LEBITIKOS 8:13

Nangta u Moses u wallam ïa ki khun shynrang u Aaron kham sha khmat bad u pynphong sopti ïa ki, u buh ïa ki panpoh sawdong ka syngkai jong ki, bad u pynteh tupia ha ki khlieh jong ki, kumba U Trai u la hukum.

LEBITIKOS 8:17

U shim ïa kaba sah na u masi lyngraw, ïa ka snieh jong u, ïa ka doh bad ïa ki snier jong u, bad u thang ïa ki shabar ka jaka shong dara, kumba U Trai u la hukum.

LEBITIKOS 8:29

Nangta u Moses u shim ïa ka shadem bad u ai ïa ka kum ka jingai kaba kyrpang ha U Trai. Kata ka long ka bynta jong u Moses na u langbrot ka jingpynkyntang. U Moses u la leh ïa kiei kiei baroh kumba U Trai u la hukum.

LEBITIKOS 8:3

Nangta lumlang ïa u paidbah baroh hangta.”

LEBITIKOS 8:35

Phi dei ban sah ha khmat ka jingkhang jong ka Ïingjaiñ miet la bad sngi haduh hynñiew sngi, ban leh ïa kata kaba U Trai u la hukum. Lada phim leh kumta, phin ïap. Kane ka long kaba U Trai u la hukum ïa nga.”

LEBITIKOS 8:5

u la ong ha ki, “Kaei kaba ngan sa leh ka long ïa kaei kaba U Trai u la hukum.”

LEBITIKOS 8:9

U buh ïa ka jaiñspong ha ka khlieh jong u, bad ha khmat jong ka u pyndait ïa ka jingdeng ksiar, kaba long ka dak jong ka jingpynkyntang, kumba U Trai u la hukum ïa u.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

1 KORINTH 11:23

Naba nga la ïohpdiang na U Trai ïa ka jinghikai kaba nga la ai pateng ha phi: Ba U Trai Jisu, ha kata ka miet ha kaba la shetkylla ïa u, u la shim ïa u kpu, u la ainguh ïa U Blei, u la kdiah ïa u, bad u la ong, “Une u long ka met jong nga, na ka bynta jong phi. To leh ïa kane ban kynmaw ïa nga.”

1 KORINTH 15:3

Nga la aiti ha phi ïa kaei kaba nga la ïohpdiang, kaba long kaba donkam tam: Ba U Khrist u la ïap na ka bynta ki pop jong ngi, kumba la thoh ha ki Jingthoh Bakhuid;

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.