LEBITIKOS 8:31 - Khasi CL Bible (BSI)

³¹ U Moses u ong ha u Aaron bad ha ki khun shynrang jong u, “Rah ïa kane ka doh sha khmat ka jingkhang jong ka Ïingjaiñ ka Jingdon Ryngkat U Trai, shet ïa ka, bad bam hangta ïa ka bad u kpu uba don ha ka shang ba la buh ïa ki jingainguh ka jingpynkyntang, kumba U Trai u la hukum.

KA BAIBL

³¹ Ynda kumta, u Moses u la ong ha u Aaron bad ha ki khun shynrang jong u de, “To shet ïa kata ka doh hajan ka jingkhang Ka Tabernakl ka jingïaseng: bad hangta ruh phin bam ïa ka bad ïa uta u kpu ruh uba ha kata ka shang ki jingpynkyntang, kumba nga la hukum, da kaba ong, ‘U Aaron bad ki khun shynrang jong u kin bam ïa kane.’

LEBITIKOS 8:31 ပူးပေါင်းရင်းမြစ်များ

LEBITIKOS 10:17

“Balei phim shym ïabam ïa kata ka jingkñia namar ka pop ha ka jaka kyntang? Ka long kaba khuid bha, bad U Trai u la ai ïa ka ha phi na ka bynta ban kit noh ïa ka pop jong u paidlang.

LEBITIKOS 6:28

Ïa u khiew khyndew ha kaba la shet ïa ka doh dei ban pynpait noh ïa u, bad lada dei u khiew shet da ka rnong, dei ban da kyrshut bha ïa u bad phler da ka um.

LEBITIKOS 7:15

Ïa ka doh jong uta u mrad dei ban bam noh ha kata hi ka sngi ba la kñia ïa u; ym dei ban pynsah wat tang khyndiat ruh haduh ka step kaba bud.

ÏOANNIS 6:33

Naba u kpu ba U Blei u ai u long uta uba wan hiar na bneng bad uba ai jingim ïa ka pyrthei.”

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.