LEBITIKOS 8:30 - Khasi CL Bible (BSI)

³⁰ U Moses u shim ïa ka umphniang pynsleh bad khyndiat ka snam kaba don ha ka duwan bad u synreit ïa ki ha u Aaron bad ha ki khun shynrang jong u bad ha ki jaiñkup jong ki. Ha kane ka rukom u pynkyntang ïa ki bad ïa ki jaiñ jong ki sha U Trai.

KA BAIBL

³⁰ U Moses u la shim ruh na kata ka umphniang ka jingpynsleh, bad na ka snam kaba halor ka duwan, bad u la synreit ïa ka halor u Aaron, bad halor ki jaiñkup jong u, bad halor ki khun shynrang jong u, bad halor ki jaiñkup ki khun shynrang jong u lem bad u; bad u la pynkyntang ïa u Aaron, bad ïa ki jaiñkup jaiñsem jong u, bad ïa ki khun shynrang jong u ruh, bad ïa ki jaiñkup jaiñsem jong ki khun shynrang jong u lem bad u.

LEBITIKOS 8:30 ပူးပေါင်းရင်းမြစ်များ

EKSODOS 28:2

Suh ki jaiñphong lyngdoh ïa u Aaron u hynmen jong me khnang ba un ishongkun shongkhia bad idonburom.

EKSODOS 29:21

Shim khyndiat ka snam kaba don ha kata ka duwan bad khyndiat ka umphniang pynsleh, bad synreit ha u Aaron bad ha ki jaiñkup jong u, bad ha ki khun shynrang jong u bad ha ki jaiñkup jong ki. Ma ki bad ki jaiñkup jong ki kin long kiba la pynkyntang khuid sha nga.

EKSODOS 30:30

Nangta, pynsleh ïa u Aaron bad ïa ki khun shynrang jong u, bad pynkyntang ïa ki kum ki lyngdoh ha ka jingshakri ïa nga.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

LEBITIKOS 7:35

Kane ka long ka bynta jong ka jingbam ba la ainguh sha U Trai ïa kaba la ai ha u Aaron bad ki khun jong u ha kata ka sngi ba pynkyntang ïa ki kum ki lyngdoh.

LEBITIKOS 7:36

Ha kata ka sngi U Trai u la hukum ïa ki paid Israel ban ai ïa kane ka bynta jong ka jingainguh. Ka dei ka aiñ ba ki paid Israel ki dei ban kohnguh pateng la pateng.

LEBITIKOS 8:12

U pynkyntang ïa u Aaron da kaba theh khyndiat ïa ka umphniang pynsleh ha ka khlieh jong u.

JINGKHEIÑ 3:3

La pynsleh bad la pynkyntang ïa ki kum ki lyngdoh,

HEBRU 2:11

U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.