LEBITIKOS 8:14 - Khasi CL Bible (BSI)

¹⁴ Nangta u Moses u wanlam ïa uta u masi lyngraw ban pynlong ka jingkñia namar ka pop, bad u Aaron bad ki khun shynrang jong u ki buh ïa la ki kti ha ka khlieh jong u.

KA BAIBL

¹⁴ Hadien kata, u la pynwan ha khmat ïa u masi lyngraw jong ka jingkñia namar ka pop: bad u Aaron bad ki khun shynrang jong u, ki la ïabuh ïa la ki kti halor ka khlieh uta u masi lyngraw ka jingkñia namar ka pop.

LEBITIKOS 8:14 ပူးပေါင်းရင်းမြစ်များ

SALM 66:15

Ngan ai ïa ka langbrot ba yn thang halor ka duwan; ngan kñia ki masi kyrtong bad ki blang, bad ka tdem kan kiew soit sha ka sahit bneng.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

ESEKIEL 43:19

Kito ki lyngdoh kiba dei na ka jait Lebi kiba hiarpateng na u Sadok ki long tang ma ki, ki ban wan ha ka jingdon ryngkat jong nga ban shakri ïa nga. Ma nga, U Trai Nongsynshar, nga hukum ïa kane. Men ai ïa ki u masi lyngraw ban ainguh kum ka jingkñia na ka bynta ka pop.

ESEKIEL 43:20

Me dei ban shim katto katne na ka snam jong u bad ban buh ïa ka ha ki reng ha ki saw tylli ki dong kiba halor ha ka duwan, bad ha ki dong jong ka bynta ba hapdeng jong ka duwan, bad ha baroh sawdong jong ki tduh. Ha kane ka rukom men pynkhuid ïa ka duwan bad pynkyntang ïa ka.

LEBITIKOS 1:4

Uta u briew un buh ïa la ka kti ha ka khlieh jong ka, bad yn sa pdiang ïa ka kum ka jingkñia ban kit noh ïa ki pop jong u.

LEBITIKOS 16:21

Un buh ïa la ki kti baroh ar ha ka khlieh jong uta u 'langsohmoh, bad halor jong u un phla ïa ki jingbymman, ïa ki pop, bad ïa ki jingïaleh pyrshah baroh jong ki Israel, bad da kumta un pynkit ïa ki ha ka khlieh jong uta u 'langsohmoh. Nangta dei ban ñiah noh ïa uta u 'langsohmoh sha ka ri shyiap da u briew uba la jied kyrpang na ka bynta kata.

LEBITIKOS 16:6

Un kñia ïa uta u masi lyngraw kum ka jingkñia ban map ïa ki pop jong u bad jong ka longïing jong u.

LEBITIKOS 4:15

Ki nongïalam jong uta u paidlang kin buh ïa la ki kti ha ka khlieh jong u, bad kin pynïap ïa u hangta.

LEBITIKOS 8:2

“Ïalam ïa u Aaron bad ki khun shynrang jong u sha khmat ka jingkhang jong ka Ïingjaiñ ka Jingdon Ryngkat jong nga bad wanrah ïa ki jaiñkup lyngdoh, ka umphniang pynsleh, u masi lyngraw ban long ka jingkñia namar ka pop, ar tylli ki blang shynrang, bad ka shang ba buh ïa u kpu bakhlem thiat.

JINGKHEIÑ 8:12

Nangta ki Lebi kin buh ïa la ki kti halor ki khlieh jong ki ar tylli ki masi lyngraw; ïa uwei yn kñia kum ka jingkñia namar ka pop bad ïa uwei pat kum ka jingainguh thang, na ka bynta ban pyndep ïa ka jinglehniam pynkhuid ïa ki Lebi.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,