LEBITIKOS 7:34 - Khasi CL Bible (BSI)

³⁴ Ka shadem jong u mrad ka long ka jingai kaba kyrpang, bad ka kjat-dien kamon ka long ka jingai kaba kyrpang kaba U Trai u la shim na ki paid Israel bad ban ai ha ki lyngdoh. Kane ka long kaba ki paid Israel ki dei ban ai ha ki lyngdoh pateng la pateng.

KA BAIBL

³⁴ Naba ka shadem ka jingkaweh, bad ka kti ka jingkyntiew, nga la shim ma nga na ki khun Israel na ki jingkñia bapynïasuk jong ki, bad nga la ai ïa ki ha u Aaron lyngdoh bad ha ki khun shynrang jong u, da ka hukum bajunom pateng la pateng napdeng ki khun Israel.

LEBITIKOS 7:34 ပူးပေါင်းရင်းမြစ်များ

EKSODOS 29:26

“Shim ïa ka shadem jong uta u langbrot bad pynkyntang ïa ka kum ka jingainguh bakyrpang sha nga. Kane ka bynta jong u mrad ba la kñia ka dei ka jong me.

EKSODOS 29:9

Buh ïa ki panpoh ha ki syngkai jong ki, bad teh ïa ki tupia ha ki khlieh jong ki. Ha kane ka rukom men pynkyntang ïa u Aaron bad ïa ki khun shynrang jong u. Ma ki bad ki khun ki ksiew jong ki kin shakri ïa nga junom kum ki lyngdoh.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

LEBITIKOS 7:33

ha u lyngdoh uba kñia ïa ka snam bad ïa ka khleiñ jong ka jingainguh ïasyllok.

JINGKHEIÑ 5:9

Shuh shuh, man la ka jingainguh kaba kyrpang ba ki Israel ki ai sha U Trai ka dei ka jong uta u lyngdoh ha uba ki ai ïa ka.

JINGKHEIÑ 6:20

Nangta pat, u lyngdoh un ai ïa ki kum ki jingai kiba kyrpang sha U Trai; kine ki long ki jingainguh kiba kyntang na ka bynta u lyngdoh, nalor ka shadem bad ka lbong jong uta u langbrot, kiba long ki jong u lyngdoh kat kum ka aiñ. Hadien kata, u Nasir u lah ban dih waiñ.

JINGKHEIÑ 8:11

bad nangta u Aaron un pynkyntang ïa ki Lebi sha nga kum ka jingai kaba kyrpang na ki Israel, ba kumta ki lah ban trei ïa ka kam jong nga.

DEUTERONOMI 18:3

“Na ki jingkñia ainguh kiba da u masi ne ka langbrot, ki lyngdoh ki dei ban ïoh ïa ka tyrpeng, baroh ar ki ngab, bad ka 'nierbah.