LEBITIKOS 7:31 - Khasi CL Bible (BSI)

³¹ U lyngdoh un thang ïa kata ka khleiñ ha ka duwan, hynrei kata ka shadem kan dei jong ki lyngdoh.

KA BAIBL

³¹ Bad u lyngdoh un thang ïa ka khleiñ halor ka duwan: hynrei, ka shadem kan long ka jong u Aaron bad ki khun shynrang jong u.

LEBITIKOS 7:31 ပူးပေါင်းရင်းမြစ်များ

EKSODOS 29:26

“Shim ïa ka shadem jong uta u langbrot bad pynkyntang ïa ka kum ka jingainguh bakyrpang sha nga. Kane ka bynta jong u mrad ba la kñia ka dei ka jong me.

LEBITIKOS 3:11

U lyngdoh uba ïarap un thang ïa kine baroh halor ka duwan kum ka jingainguh bam sha U Trai.

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

LEBITIKOS 3:5

Ki lyngdoh kin thang ïa kine baroh ha ka duwan ryngkat bad ka jingainguh thang. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 5:13

Ha kane ka rukom u lyngdoh un ai ïa ka jingkñia namar ka pop ba uta u briew u la leh, bad yn map ïa u. U purew uba dang sah un long jong u lyngdoh, kumba ka long ha ka jingkñia ainguh bam.

LEBITIKOS 6:16

Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

LEBITIKOS 6:26

U lyngdoh uba kñia ïa uta u mrad un bam ïa u ha ka jaka bakhuid, ha ka phyllaw jong ka Ïingjaiñ ka Jingdon Ryngkat U Trai.

LEBITIKOS 7:34

Ka shadem jong u mrad ka long ka jingai kaba kyrpang, bad ka kjat-dien kamon ka long ka jingai kaba kyrpang kaba U Trai u la shim na ki paid Israel bad ban ai ha ki lyngdoh. Kane ka long kaba ki paid Israel ki dei ban ai ha ki lyngdoh pateng la pateng.

LEBITIKOS 8:29

Nangta u Moses u shim ïa ka shadem bad u ai ïa ka kum ka jingai kaba kyrpang ha U Trai. Kata ka long ka bynta jong u Moses na u langbrot ka jingpynkyntang. U Moses u la leh ïa kiei kiei baroh kumba U Trai u la hukum.

JINGKHEIÑ 18:11

“Nalor kine, kiwei pat ki jingai kiba kyrpang ba ki Israel ki wanrah sha nga ki dei ki jong me. Nga ai ïa ki ha me, ha ki khun shynrang bad ki khun kynthei jong me, ha ki por ki ban wan baroh. Uwei pa uwei na ka longïing jong me uba khuid kat kum ka jinglehniam u lah ban bam ïa ki.

JINGKHEIÑ 18:18

Ka doh na ki, kum ka shadem bad ka kjat-dien kamon kiba long ki jingainguh bakyrpang, ki long ka bynta jong me.

1 KORINTH 9:13

Da shisha phi tip ba ki rangbah kiba trei ha ka Templ ki ïoh bam na ka Templ bad kito kiba kñia ïa ki jingainguh ha ka duwan ki ïoh ïa ka bynta na ki jingkñia?

DEUTERONOMI 18:3

“Na ki jingkñia ainguh kiba da u masi ne ka langbrot, ki lyngdoh ki dei ban ïoh ïa ka tyrpeng, baroh ar ki ngab, bad ka 'nierbah.