LEBITIKOS 7:30 - Khasi CL Bible (BSI)

³⁰ Un wallam ïa ka khleiñ lem bad ka shadem jong u mrad ban ai kum ka jingai kaba kyrpang sha U Trai.

KA BAIBL

³⁰ Ki kti jong u hi kin ïawallam ïa ki jingkñia ainguh ki jong U Trai ba la thaw da ka ding; ïa ka khleiñ lem bad ka shadem un wallam, ïa ka shadem ïa ka ban kaweh ïa ka, kum ka jingainguh kaweh ha khmat U Trai.

LEBITIKOS 7:30 ပူးပေါင်းရင်းမြစ်များ

SALM 110:3

Ha ka sngi ba me ïaleh ïa ki nongshun jong me, ki briew jong me kin long ki nongïaleh da ka mon sngewbha. Kum ki umjer jong ka step phyrngab ki samla shynrang jong me kin wan sha me ha ki lum bakyntang.

LEBITIKOS 10:14

Hynrei ma me bad ki longïing jong me, phi lah ban bam ïa ka shadem bad ïa ka kjat-dien ïa kiba la ai kum ka jingai kaba kyrpang bad ka jingsynñiang bakyrpang sha U Trai na ka bynta ki lyngdoh. Phi lah ban bam ïa ka ha ka jaka ïa kaba la ñiew ba ka long kaba khuid. Ïa kine ki jingkñia ainguh la ai ha me bad ha ki khun jong me kum ka bynta kaba dei ka jong me na ki jingainguh ïasyllok jong ki paid Israel.

LEBITIKOS 10:15

Kin wallam ïa ka kjat-dien bad ïa ka shadem katba dang kñia ïa ka khleiñ kum ka jingainguh bam sha U Trai. Kine ki bynta ki long ki jong me bad jong ki khun jong me pateng la pateng, kumba U Trai u la hukum.”

LEBITIKOS 3:14

bad ai ïa kine ki dkhot met jong u kum ka jingainguh bam sha U Trai: ka khleiñ baroh kaba sop ïa ki snier,

LEBITIKOS 3:9

ka khleiñ, ka dongnai baroh ba la ot najan u budlum, ka khleiñ baroh kaba sop ïa ki snier,

LEBITIKOS 8:27

U buh ïa kata ka jingbam baroh ha ki kti u Aaron bad ki khun shynrang jong u, bad ki ai ïa kine kum ka jingai kaba kyrpang sha U Trai.

LEBITIKOS 8:29

Nangta u Moses u shim ïa ka shadem bad u ai ïa ka kum ka jingai kaba kyrpang ha U Trai. Kata ka long ka bynta jong u Moses na u langbrot ka jingpynkyntang. U Moses u la leh ïa kiei kiei baroh kumba U Trai u la hukum.

LEBITIKOS 9:20

halor ki shadem jong ki bad u rah ïa ki baroh sha ka duwan. U thang ïa ka khleiñ halor ka duwan,

LEBITIKOS 9:21

bad u ai ïa ki shadem bad ki kjat-dien kamon kum ka jingai kaba kyrpang sha U Trai na ka bynta ki lyngdoh, kumba u Moses u la hukum.

JINGKHEIÑ 6:20

Nangta pat, u lyngdoh un ai ïa ki kum ki jingai kiba kyrpang sha U Trai; kine ki long ki jingainguh kiba kyntang na ka bynta u lyngdoh, nalor ka shadem bad ka lbong jong uta u langbrot, kiba long ki jong u lyngdoh kat kum ka aiñ. Hadien kata, u Nasir u lah ban dih waiñ.

JINGKHEIÑ 8:11

bad nangta u Aaron un pynkyntang ïa ki Lebi sha nga kum ka jingai kaba kyrpang na ki Israel, ba kumta ki lah ban trei ïa ka kam jong nga.

ÏOANNIS 10:18

Ym don u ban shim noh ïa ka jingim jong nga na nga. Nga aiti ïa ka da la ka mon sngewbha hi. Nga don ka hok ban aiti noh ïa ka, bad nga don ka hok ban shim pat ïa ka. Kane ka long kaei kaba U Kpa jong nga u la hukum ïa nga ban leh.”

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

DEUTERONOMI 18:3

“Na ki jingkñia ainguh kiba da u masi ne ka langbrot, ki lyngdoh ki dei ban ïoh ïa ka tyrpeng, baroh ar ki ngab, bad ka 'nierbah.