LEBITIKOS 7:26 - Khasi CL Bible (BSI)

²⁶ Kam pher la hangno hangno ki Israel ki shong ki sah, kim dei da lei lei ban pyndonkam ïa ka snam jong ki sim ne ki mrad kum ka jingbam.

KA BAIBL

²⁶ Nalor kane pat, phin ym bam na ka snam kaba kumno kumno ruh, lymne ka jong ka kynja sim, lymne u mrad, ha-ei ha-ei ruh em hapoh ki ïing jong phi.

LEBITIKOS 7:26 ပူးပေါင်းရင်းမြစ်များ

JENESIS 9:4

Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam.

EKSODOS 22:30

Ai ha nga ïa kiba la kha nyngkong na ki masi bad ki langbrot jong phi. Ai ba uba la kha nyngkong un sah hynñiew sngi bad la ka kmie, bad ha ka sngi kaba phra ai ïa u ha nga.

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

LEBITIKOS 19:26

“Wat bam ïa kano kano ka doh ba dang don snam ha ka. Wat leh ïa kano kano ka kam byrtong.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

LEBITIKOS 7:25

Uno uno uba bam ïa ka khleiñ jong u mrad ïa uba wanlam kum ka jingainguh bam sha U Trai yn ym ñiew shuh ïa u kum uwei na ki briew jong U Blei.

LEBITIKOS 7:27

Uta uba pynkheiñ ïa kane ka aiñ yn ym ñiew shuh kum uwei na ki briew U Blei.

ÏOANNIS 6:53

U Jisu u la ong ha ki, “Nga ong ha phi ïa ka jingshisha: Lada phim bam ïa ka doh jong U Khun U Briew bad dih ïa ka snam jong u, phin ym don ïa ka jingim ha lade.

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

DEUTERONOMI 12:16

Hynrei phim bit ban bam ïa ka snam jong ki; phi dei ban theh ïa ka ha ka khyndew kumba theh ïa ka um.

DEUTERONOMI 12:23

Tangba wat bam ïa ka doh kaba dang don snam hapoh jong ka, namar ka jingim ka don ha ka snam, bad phim dei ban bam ïa kata ka jingim lem bad ka doh.

DEUTERONOMI 15:23

Hynrei wat pyndonkam ïa ka snam jong ki kum ka jingbam; pynban, theh noh ïa ka ha khyndew kumba theh um.

1 TIMOTHI 4:4

Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.