LEBITIKOS 7:24 - Khasi CL Bible (BSI)

²⁴ Ïa ka khleiñ jong uno uno u jait mrad uba shu ïap hi ne uba la shah pynïap ha u mradkhlaw ym dei ban bam, hynrei lah ban pyndonkam na ka bynta kiwei pat ki jingthmu.

KA BAIBL

²⁴ Te ïa ka khleiñ ka metïap, bad ïa ka khleiñ ka jong kata ba la tar ki mrad, ïa kata te lah ban pynleit sha kawei pat ka kam: hynrei, phin ym lah ban bam ïa ka da lei lei ruh.

LEBITIKOS 7:24 ပူးပေါင်းရင်းမြစ်များ

EKSODOS 22:30

Ai ha nga ïa kiba la kha nyngkong na ki masi bad ki langbrot jong phi. Ai ba uba la kha nyngkong un sah hynñiew sngi bad la ka kmie, bad ha ka sngi kaba phra ai ïa u ha nga.

EKSODOS 22:31

“Phi, phi long ki briew jong nga, kumta phim bit ban bam ïa ka doh jong kano kano ka mrad kaba la shah pynïap ha ki mradkhlaw; pynban, ai ïa ka ha ki ksew.

ESEKIEL 4:14

Hynrei nga la jubab, “Em, ko Trai Nongsynshar! Ngam pat ju pyntngit ïa lade. Naduh dang khynnah ngam pat ju bam ïa ka doh jong uno uno u mrad uba ïap hi ne uba shah pynïap ha ki mradkhlaw. Ngam pat ju bam ïa kano kano ka jingbam ba la kheiñ ka bymkhuid.”

ESEKIEL 44:31

Ki lyngdoh kim dei ban bam ïa kano kano ka sim ne mrad kaba la ïap hi lane kaba la shah pynïap ha uwei pat u mrad.”

LEBITIKOS 17:15

Uno uno u briew, la u dei u Israel ne u nongwei, uba bam ïa ka doh jong uno uno u mrad uba shu ïap hi, ne uba shah pynïap ha ki mradkhlaw, u dei ban sait ïa la ki jaiñkup, bad un sum, bad ap haduh janmiet shuwa ba yn ñiew ïa u ba u long uba khuid.

LEBITIKOS 22:8

Um bit ban bam ïa ka doh jong uno uno u mrad uba shu ïap hi, lane uba la shah pynïap ha ki mradkhlaw; kata kan pynlong ïa u, u bymkhuid. Nga long U Trai.

LEBITIKOS 7:25

Uno uno uba bam ïa ka khleiñ jong u mrad ïa uba wanlam kum ka jingainguh bam sha U Trai yn ym ñiew shuh ïa u kum uwei na ki briew jong U Blei.

DEUTERONOMI 14:21

“Wat bam ïa kano kano ka jait mrad kaba shu ïap hi. Phi lah ban shah ïa ki nongwei kiba shong hapdeng jong phi ban bam ïa ka, lane phi lah ban die ïa ka ha kiwei pat ki nongwei. Hynrei phi, phi long ki jong U Trai U Blei jong phi; phi dei ki briew jong u. “Wat shet ïa u khunlangbrot lane ïa u khunblang ha ka dud ka kmie jong u.