LEBITIKOS 7:2 - Khasi CL Bible (BSI)

² Ïa u mrad na ka bynta kane ka jingkñia dei ban pynïap ha ka bynta bashatei jong ka duwan, ha kaba ju pynïap ïa ki mrad ba la wallam kum ki jingainguh thang, bad ïa ka snam jong u dei ban synreit ha baroh sawdong jong ka duwan.

KA BAIBL

² Ha ka jaka ba ki ju pynïap ïa ka jingkñia bathang, hangta hi kin pynïap ïa ki jingkñia namar ka jingpalat: bad ïa ka snam jong ka un synreit halor ka duwan baroh sawdong.

LEBITIKOS 7:2 ပူးပေါင်းရင်းမြစ်များ

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 40:39

Ha kane ka kamra rung, la don saw tylli ki miej, ar tylli ha kawei kawei ka liang jong ka kamra. Dei halor kine ki miej ba la pynïap ïa ki mrad ba dei ban ai kum ki jingkñia, lane ban thang tylli, lane ban long ki jingkñia sait pop ne kum ki jingtyrwa siew kylliang.

LEBITIKOS 1:11

Un pynïap ïa u ha ka phang kaba shatei jong kata ka duwan, bad ki lyngdoh kin synreit ïa ka snam jong u sawdong kata ka duwan.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 1:5

Un pynïap ïa uta u masi hangta, bad ki lyngdoh kiba na ka ïing u Aaron kin ai ïa ka snam sha U Trai, bad hadien kata kin synreit ïa ka sawdong kata ka duwan kaba don ha khmat ka jingkhang jong ka Ïingjaiñ.

LEBITIKOS 14:13

Un pynïap ïa uta u khunlangbrot ha ka jaka kaba kyntang ha kaba la ju pynïap ïa ki jingri na ka bynta ki jingkñia namar ka pop bad ïa ki jingkñia ainguh thang. U dei ban leh ïa kane namar ba ka jingkñia na ka bynta ka jingpalat, kumba long ka jingkñia namar ka pop, ka dei ka jong u lyngdoh, bad ka long kaba khuid bha.

LEBITIKOS 3:2

Uta u briew un buh ïa la ka kti ha ka khlieh jong uta u mrad bad un pynïap ïa u ha ka jingkhang jong ka Ïingjaiñ ka Jingdon Ryngkat U Trai.

LEBITIKOS 3:8

Ki lyngdoh kin synreit ïa ka snam jong u sawdong ka duwan, bad un ai ïa kine ki dkhot met jong u kum ka jingainguh bam sha U Trai:

LEBITIKOS 4:24

Un buh ïa la ka kti ha ka khlieh jong u bad un pynïap ïa u ha ka phang kaba shatei jong ka duwan, ha ka jaka ba ki ju pynïap ïa ki mrad na ka bynta ki jingkñia ainguh thang. Kane ka long ka jingkñia ainguh ban map noh ïa ka pop.

LEBITIKOS 4:29

Un buh ïa la ka kti ha ka khlieh jong ka bad un pynïap ïa ka ha ka phang kaba shatei jong ka duwan, ha ka jaka ba ju pynïap ïa ki mrad na ka bynta ki jingkñia ainguh thang.

LEBITIKOS 4:33

Un buh ïa la ka kti ha ka khlieh jong ka bad un pynïap ïa ka ha ka phang kaba shatei jong ka duwan, ha ka jaka ba ki ju pynïap ïa ki mrad na ka bynta ki jingkñia ainguh thang.

LEBITIKOS 5:16

U dei ban siew ïa kata baroh ïa kaba u la klet ban wallam bad un siew tam arphew bynta na ka shispah. Un ai ïa kata ha u lyngdoh, bad u lyngdoh un ai ïa ka jingkñia da uta u mrad namar ka pop jong uta u briew bad yn map ïa u.

LEBITIKOS 5:7

Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

LEBITIKOS 5:9

bad un synreit khyndiat ïa ka snam jong ka ha ka krung jong ka duwan. Ïa ka snam kaba dang sah yn pjiar ha trai ka duwan. Kane ka long ka jingkñia ban map ïa ka pop.

LEBITIKOS 6:25

ban ai ha u Aaron bad ha ki khun jong u ïa kine harum ki jingbuhbeit ryntih kiba ïadei bad ka jingkñia namar ka pop. Ïa u mrad ba la wanrah kum ka jingkñia namar ka pop dei ban pynïap ha ka bynta bashatei jong ka duwan, ha kaba ju pynïap ïa ki mrad na ka bynta ki jingainguh thang. Kane ka long ka jingainguh kaba khuid bha.

LEBITIKOS 6:7

U lyngdoh un ai ïa ka jingkñia namar ka pop jong uta u briew bad yn map ïa u.

JINGKHEIÑ 6:12

bad ïa la ka por sha U Trai kum u Nasir. Ïa ka por kaba mynshuwa yn ym ñiew lang shuh, namar ba u shñiuh jong u uba la pynkyntang u la bit tngit noh. Kum ka jingainguh ban buria pat, u dei ban wallam uwei u khunlangbrot uba shisnem ka rta.

HEBRU 11:28

Dei ka jingngeit kaba la pynlong ïa u ban pynskhem ïa ka Jingkhawai Niam Ka Jinglait, bad hukum ban synreit ïa ka snam ha ki jingkhang, ba u Angel jong ka Jingïap un ym pynïap ïa ki khun shynrang ba la kha nyngkong jong ki Israel.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.