LEBITIKOS 7:12 - Khasi CL Bible (BSI)

¹² Lada u briew u wallam ïa kane ka jingainguh kum ka jingai sngewnguh sha U Blei, u dei ruh ban wanrah, ryngkat bad uta u mrad ïa uba yn kñia, ïa ka jingainguh ïa u kpu bakhlem thiat: ki kpu kiba rben ba la khleh bad ka umphniang Olib lane kiba stang ba la kyllan da ka umphniang Olib lane da u 'purew ba la shet khleh bad ka umphniang Olib.

KA BAIBL

¹² Lada un kñia ainguh ïa kine na ka bynta ka jingainguh, un ainguh lem bad ka jingkñia ainguh da ki kpu bakhlem thiat ba la khleh da ka umphniang, bad ki 'pu stang bakhlem thiat, ba la suit umphniang ïa ki, bad ki kpu na u 'purew bani, ba la sdieh ynda la pynkhleh umphniang ïa ki.

LEBITIKOS 7:12 ပူးပေါင်းရင်းမြစ်များ

2 KHRONIKL 29:31

U Hesekaïah u ong ïa ki briew, “Mynta phi long kiba khuid kat kum ka jinglehniam, to wallam ïa ki jingkñia kum ki jingai jingainguh sha U Trai.” Ki la kohnguh bad katto katne na ki da ka mon sngewbha ki wallam ïa ki jingri ban kñia kum ka jingainguh thang.

2 KHRONIKL 33:16

U tei pynbha ïa ka duwan ha kaba ïa U Trai la mane, bad u kñia ïa ki jingainguh ïasyllok bad ki jingainguh thang ha ka. U hukum ïa ki paid Judah baroh ban mane ïa U Trai, U Blei ki Israel.

NEHEMAÏAH 12:43

Ha kata ka sngi, la pynlong bun ki jingkñia, bad u paidbah u la dap da ka jingkmen namar U Blei u la pynlong ïa ki ban kmen haduh katta katta. Ki kynthei bad ki khynnah ki la ïasnohlang ha ka jinglehkmen, bad ïa ka jingsawa kaba ki la pynlong, la ïohsngew shaduh sha jngai bah.

SALM 107:8

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh ïa ki.

SALM 116:17

Ngan ai ha me ka jingkñia ainguh bad ai ka jingduwai sha me.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

LEBITIKOS 2:4

Lada ka jingainguh ka long da ka jingbam ba la shet ha dpei, ka dei ban long kaba khlem thiat. Ka lah ban long da ki kpu kiba rben ba la shet da u purew ba la khleh bad ka umphniang Olib, ne da kiba stang ba la kyllan da ka umphniang Olib.

LEBITIKOS 2:5

Lada ka jingainguh ka long da u kpu ba la shet ha u khiew ba la tap, u dei ban long uba la khleh bad ka umphniang Olib, hynrei uba khlem thiat.

LEBITIKOS 22:29

Haba phi pynlong ïa ka jingkñia ainguh sngewbha sha U Trai, bud beit ïa ki rukom lehniam khnang ba yn pdiang hun ïa phi.

LEBITIKOS 6:16

Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

LEBITIKOS 7:15

Ïa ka doh jong uta u mrad dei ban bam noh ha kata hi ka sngi ba la kñia ïa u; ym dei ban pynsah wat tang khyndiat ruh haduh ka step kaba bud.

AMOS 4:5

Ïaid shaphrang bad rah ïa u kpu jong phi kum ka jingainguh sha U Blei, bad to sngewsarong shaphang ki jingainguh ba tam ba phi wallam! Kane ka long ka rukom ïa kaei kaei kaba phi ieit ban leh.

JINGKHEIÑ 6:15

U dei ruh ban ai shi shang u kpu khlem thiat: ki kpu kiba rben kiba da u 'purew ba la khleh bad ka umphniang Olib bad ki kpu kiba stang ba la kyllan da ka umphniang Olib; bad nalor kine, un ai ruh ïa ki jingainguh da u kew bad ka waiñ.

LOUKAS 17:16

U la dem khrup ïa lade ha khyndew ha ki kjat jong U Jisu bad u la ainguh ïa u. Uta u briew u dei u nong Samaria.

LOUKAS 17:18

Balei une u nongwei u long tang ma u uba la wan phai pat ban ainguh ïa U Blei?”

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

EPHESOS 5:20

Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.