LEBITIKOS 6:7 - Khasi CL Bible (BSI)

⁷ U lyngdoh un ai ïa ka jingkñia namar ka pop jong uta u briew bad yn map ïa u.

KA BAIBL

⁷ bad uta u lyngdoh un pynlong ka jingpynïasuk na ka bynta jong u ha khmat U Trai, ynda kumta, yn map noh ïa u; shaphang kaei kaei baroh ba u la leh bad ba u la rem namar jong ka.”

LEBITIKOS 6:7 ပူးပေါင်းရင်းမြစ်များ

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ESEKIEL 33:19

Haba u briew bymman u sangeh noh na kaba leh pop bad u leh ïa kaei kaba dei bad kaba bha, u la pynim ïa la ka jingim.

LEBITIKOS 2:1

Haba uno uno u wallam ïa ka jingainguh da u kew sha U Trai, u dei ban da tylliat shuwa ïa u haduh ba un da ni. U dei ban theh ïa ka umphniang Olib bad ka jingiwbih halor jong u, bad un wanrah ïa u sha ki lyngdoh na ka ïing u Aaron.

LEBITIKOS 4:20

Un leh kumjuh ïa une u masi lyngraw kumba u ju leh ïa u masi lyngraw jong ka jingkñia ainguh namar ka pop, bad ha kane ka rukom un pyndep ïa ka jingkñia namar ka pop jong uta u paidlang, bad yn map ïa ki.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 5:10

Nangta un kñia ïa kaba ar kum ka jingainguh thang, kat kum ki jingbuhbeit ryntih. Ha kane ka rukom u lyngdoh un ai ïa ka jingkñia na ka bynta ka pop jong uta u briew bad yn map ïa u.

LEBITIKOS 5:13

Ha kane ka rukom u lyngdoh un ai ïa ka jingkñia namar ka pop ba uta u briew u la leh, bad yn map ïa u. U purew uba dang sah un long jong u lyngdoh, kumba ka long ha ka jingkñia ainguh bam.

LEBITIKOS 5:18

U dei ban wanlam sha u lyngdoh kum ïa ka jingkñia namar ka jingleh palat da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kat kum ba la buh. U lyngdoh un ai ïa ka jingkñia namar ka pop jong uta u briew bad yn map ïa u.

LEBITIKOS 6:8

U Trai u hukum ïa u Moses,

LEBITIKOS 7:2

Ïa u mrad na ka bynta kane ka jingkñia dei ban pynïap ha ka bynta bashatei jong ka duwan, ha kaba ju pynïap ïa ki mrad ba la wallam kum ki jingainguh thang, bad ïa ka snam jong u dei ban synreit ha baroh sawdong jong ka duwan.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

MATHAÏOS 12:31

Bad kumta nga ong ha phi ba ki briew ki lah ban ïohmap ïa kano kano ka pop bad ïa kano kano kaba sniew kaba ki ong; hynrei uno uno uba kren kiei kiei kiba sniew pyrshah ïa U Mynsiem Bakhuid un ym ïoh jingmap.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.