LEBITIKOS 6:3 - Khasi CL Bible (BSI)

³ lane da kaba thok shaphang kano kano ba ka la jah noh bad u smai ba um shym shem pat ïa ka.

KA BAIBL

³ lane haba u la ïoh ei ïa kaei kaei ruh ïa kaba la kum pynjah u briew, bad u kren lamler shaphang kata, bad ba u smai lamler; ha kaei kaei ruh na kita ba u ju leh, ha kiba u leh pop:

LEBITIKOS 6:3 ပူးပေါင်းရင်းမြစ်များ

EKSODOS 23:4

“Lada phi ïohi ïa ka masi ne ïa ka kada u nongshun jong phi ba ka ïaid sakma, leit ïalam pat ïa ka sha u.

EKSODOS 28:42

Suh ki patlun lyngkot kiba da ka jaiñ linen, kiba kot naduh syngkai haduh lbong, khnang ba kin ym thad burom ïa lade.

PROBERB 24:28

Wat ïeng sakhi pyrshah ïano ïano khlem ka daw kaba dei, ne wat ong ïa kaei kaei ka ban ïalam bakla shaphang jong u.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

ESEKIEL 44:19

Shuwa ba kin leit sha ka phyllaw ba kham shabar ha kaba don ki paidbah, ki dei ban loit noh shuwa ïa ki sopti ba ki phong haba ki don ha ka kam hapoh ka Templ bad ban iehnoh ïa ki ha ki kamra bakhuid. Kin phong da kiwei pat ki sopti khnang ba kin buh noh ïa ki sopti bakyntang na kaba pynmynsaw ïa ki paidbah.

LEBITIKOS 1:16

Un khlaw noh ïa u khu bad baroh kat kiba don ha u, bad un bret ïa ki ha ka jaka theh dpei kaba shaphang mihngi na kata ka duwan.

LEBITIKOS 16:4

Te U Trai u la ai ïa kine ki jinghikai shuwa ba u Aaron un rung sha ka Jaka Kaba Khuid Tam, u dei ban da sum, bad nangta un kup ïa ki jaiñkup lyngdoh; ka sopti linen, ka patlun lyngkot, ka jingpanpoh, bad ka jaiñspong.

LEBITIKOS 19:12

Wat ai ka jingkular ha ka kyrteng jong nga lada phim don jingmut ban bat ïa ka; kata ka wanrah ïa ka jingpynjahburom ïa ka kyrteng jong nga. Nga long U Trai U Blei jong phi.

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.