LEBITIKOS 6:2 - Khasi CL Bible (BSI)

² Dei ban ai ïa ka jingkñia lada uno uno u leh pop pyrshah ïa U Trai da kaba kyntait ban pynphai ïa kaei kaba u para Israel u la phah buh ha u lane da kaba tuh na u lane da kaba u shukor ïa u

KA BAIBL

² “Lada uno uno ruh u leh pop, da kaba leh palat pyrshah ïa U Trai, bad u lamler ha la u paramarjan shaphang kaei kaei ba la ai sumar ha u, lane haba ïaleh lem kaei kaei, lane shaphang kaei kaei ruh ba u la knieh da ka bor, lane haba u la shukor ïa la u paramarjan;

LEBITIKOS 6:2 ပူးပေါင်းရင်းမြစ်များ

JENESIS 26:7

Haba ki briew hangta ki kylli shaphang ka tnga jong u, u jubab ba ka dei ka para jong u. Um shym ïathuh ba ka dei ka tnga jong u, namar u sheptieng ïoh ba ki briew hangta kin pynïap ïa u ban ïoh ïa ka Rebekka, kaba long kaba bhabriew eh.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

PROBERB 24:28

Wat ïeng sakhi pyrshah ïano ïano khlem ka daw kaba dei, ne wat ong ïa kaei kaei ka ban ïalam bakla shaphang jong u.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

ESEKIEL 40:46

bad ka kamra kaba phai shaphang shatei ka la long na ka bynta ki lyngdoh kiba shakri ha ka duwan. Baroh ki dei ki lyngdoh kiba la hiarpateng na u Sadok; dei tang ïa kine ki dkhot jong ka jait Lebi ba la shah ban leit ha khmat ka jingdon ryngkat U Trai ban shakri ïa U.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 19:11

“Wat tuh lane shukor lane lamler.

LEBITIKOS 5:15

Lada uno uno u leh pop khlem tip da kaba kum klet ban wan ai ïa ka jingsiew ba long kyntang sha U Trai, un wallam ïa ka jingkñia namar ka jingleh palat sha U Trai da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kumba la buh.

LEBITIKOS 5:19

Kane ka long ka jingkñia namar ka jingleh palat ïa ka pop pyrshah ïa U Trai.

LEBITIKOS 6:1

U Trai u ai ha u Moses ïa kine harum ki jingbuhbeit ryntih.

AMOS 8:5

Phi ong ha lade, “Ngim lah ap slem ïa ki sngi bakhuid ba kin kut noh khnang ba ngi lah ban die ïa u kew jong ngi. Lano ka sngi Sabbaton kan kut, khnang ba ngin ïoh sdang ban die biang? Nangta ngi lah ban oh dor rem, pyndonkam da ki jingthew bymhok, bad pynbakla ïa ki tarajur ban thok ïa ki nongthied jong ngi.

HABAKKUK 1:13

Hynrei kumno me lah ban shah ïa kine ki riewshukor, ki briew kiba sniew? Ki khmat jong me ki khuid palat kat ban peit ïa kaba sniew, bad mem lah shah ban peit ïa ki briew ba leh bymdei. Te balei ba me shu sngap jar jar katba ki dang pynjot ïa ki briew kiba kham hok ban ïa ki?

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

KI KAM 5:4

Ha shuwa ba men die ïa ka jaka, ka dei ka jong me; bad hadien ba me la die ïa ka, ka pisa ka la long ka jong me. Balei, te, ba me la kut jingmut ban leh ïa kane? Mem shym la shukor ïa ki briew — me la shukor ïa U Blei!”

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

KOLOSSAI 3:9

Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.